Kusog ang ‘fighting spirit’ sa mga taga-Davao del Norte ingon ni Senator Ana Theresia Navarro Hontiveros-Baraquel o labing nailhan sa ngalan nga Risa Hontiveros.

Nasulti kini sa senadora kay sa pagkumusta niya kanila, nahimo gihapon nilang mopahiyom ug motubag nga okay lang sila, taliwala sa kalamidad nga ilang nahiaguman

“Yan ang fighting spirit ng One DavNor. Na kahit sa kabila ng lahat, sasabihing ‘okay na man, maayo’,” pagdayeg ni Hontiveros sa iyang pagpamulong sa Barangay Mesaoy, New Corella, Davao del Norte.

Mibisita ang senadora sa probinsiya karong adlawa, Pebrero 16, 2024, aron mohatag og mga relief goods sa 5,500 ka mga pamilya nga biktima sa pagbaha sa maong barangay.

Kauban niya sila Board Member Nicandro Suayabaguio, Jr. , BM Prospero Estabillo, BM Francisco Remitar, Provincial Administrator Engr. Josie Jean Rabanoz, Vice Mayor Pedro Lagumbay, ug uban pang mga local officials.

Apil si Hontiveros sa mga national officials nga dali-daling mitubag sa panawagan ni Governor Edwin “Kuya Gov” Jubahib nga tabang gikan sa kaulohan.

Mihatag na og P30 million si President Ferdinand “Bong-Bong” Marcos, Jr, alang sa mga biktima, samtang padayon pa ang pagpanghatag og hinabang nila Vice President Sara Duterte-Carpio ug Senator Christopher “Bong” Go.

Personal sab nga mibisita sa probinsiya sila Senator Ramon “Bong” Revilla, Jr. ug Senator Ronald “Bato” Dela Rosa, aron motunol hinabang, samtang nagpadala na pud sila Senator Juan Edgardo Angara ug Robin Padilla.

Mihatag sab og hinabang ang Consulate General of the People’s Republic of China ug ang Davao Filipino-Chinese Multisectoral Association, Inc. alang sa upat ka barangay sa lungsod sa Carmen.

“Daghang salamat sa opisina ng ating Kuya Gov Jubahib…Dahil po sa kanya ay nakayanan po namin na magdagdag ng konti pang tulong sa libo-libong pamilya dito sa Davao del Norte,” dugang niya.

Gipasalig sa senadora ang tabang sa Senado alang sa pagbangon sa probinsiya ug aron dili na mausab ang taas nga ‘casualty’ tungod sa maong kalamidad.

Butyag ni Provincial Administrator Josie Jean Rabanoz nga dul-an 600,000 na ka mga Dabaonon ang nahimong biktima sa mga pagbaha ug landslide nga dala sa kusog nga mga pag-ulan sa probinsiya tungod sa shearline ug trough og low pressure area (LPA).

Walo sab ang patay sa nahitabong kalamidad sa probinsiya: diin ang unom niini tungod sa landslide sa Gupitan, Kapalong; usa ang nalunod sa Cabaywa, Asuncion ug usa pud sa Talomo, Santo Tomas; ug usa pa ang na-missing sa pagbaha sa Suwa-on, Kapalong.

 

 

 

DavNor News

https://www.high-endrolex.com/26
https://www.high-endrolex.com/26