Sa pagkadaut sa panahon ug pagkapalyar sa panginabuhian, tanang kabukiran sa New Corella naapektohan gumikan sa sagunsong pagbaha ug pagdahili sa yuta sa miaging bulan dala sa shearline ug trough sa Low Pressure Area. Ang napulo ka mga baryo sa kabukirang bahin sa lungsod sa New Corella gitunolan sa Probinsyal nga Panggamhanan sa Davao del Norte. Mokabat sa 6,891 ka mga pamilya ang apektado sa kalamidad nga nahisakop sa mosunod nga mga barangay:
Patrocenio - 530
El Salvador - 1,385
Mambing - 507
Sta. Fe - 576
Del Monte - 320
Limbaan - 1,630
Suawon - 726
Sto. Niño - 416
Macgum - 106
New Bohol - 695
Tag-lima ka kilong bugas ug upat ka canned goods ang nadawat sa matag pamilyang apektado. Tungod niini mapasalamaton ang mga katawhan sa ayudang pagkaon nga gitunol ngadto kanila.
Gipangunahan ni PSWDO Head Rosalinda Rapista, kauban si PDRRMD-OIC Head Glenda Delideli, mga representante ni Governor Edwin "Kuya Gov" Jubahib, si Board Member Prospero "Popo" Estabillo, Jr., ang nagapadayong KAAGAPAY DavNor Relief Operation sa probinsya, Pebrero 19, 2024. Nitambong usab si Bise Mayor Pedro "Jun" Lagumbay, mga miyembro sa konseho sa lungsod, mga barangay functionaries ug uban pa.
Writer: Maria Lorna P. Tripoli
