Usa ka gatos sa 167 ka mga bilanggo nga gitawag ug “boarders” sa Davao del Norte District Jail (DDNDJ) maoy tungod sa salaod sa gidili nga droga.

Kahinumduman nga tungod sa kakaylap sa ilegal nga droga, sa iyang mensahe sa pagbukas sa National Correctional Consciousness Week niadtong Lunes, Oktubre 24, nagpasidaan si Gobernador Anthony G. del Rosario nga dili gayod tugotan nga makasulod ang gidili nga droga sa maong institusyon.

“So there is a challenge to both our warden and assistant warden and all the officials of the Davao del Norte District Jail.  I do not want to find out later on that we are also doing the same things here in our jail as what is being done in other jails like the new Bilibid Prison,” pahimangno sa gobernador.

Gidawat sab ni OIC Warden Jail Senior Inspector Jul Akbar Jamiri ang hagit.

“Sa message po ni Governor Anthony del Rosario ay isang malaking hamon po yun sa amin dito sa jail ng Davao del Norte. Pero para sa amin po, yung hamon ni gob, ay noon pa namin ito ginagawa kasi ito’y naayon din sa programa ng aming management ng BJMP. . .  Ang programa po ng aming pamunuan ng BJMP ay ito po yung marching order na Oplan RODY,” pahayag ni JSInsp Jamiri.

Ang Oplan RODY nagkahulogan sa Removal & punishment of scalawags & personnel/officers involved in illegal drug trade & corruption; Offensive operations versus illegal drugs inside jail facilities; Decongestion of jails & disbandment of inmates’ gangs protecting drug lords; ug, Yes to discipline & control of inmates through effective classifications & segregation of inmates & adoption of a unified jail system.

Agi ug pagpatuman, hugtanon nga gisusi sa mga personahe sa DDNDJ ang mga gamit sa mga bisita lakip na ang sorpresa nga paghiling sa mga selda sa mga boarders.

“Aside sa basic naming ginagawa, dito sa jail yung pagsi-search ng mga gamit lalo na sa mga dalaw o personnel sa gate at saka bago pumasok sa loob ng jail. . . Pag-conduct ng Greyhound kasama ng PDEA, PNP, BJMP saka yung provincial guards, ay unti-unti po naming nililinis yung hanay ng mga selda ng mga inmates para segurado po kami na wala talagang drug trade dyan sa loob at saka walang makapapasok na drugs,” dugang pasabot ni Jamiri.

Ubos ni Jamiri, ang mga piniriso dinhi sa DDNDJ gitawag ug boarders sa pagkaagi nga matod sa OIC jail warden, wala pa sila mahukmi nga sad-an ug dili permanente.      

“Pansamantala lang po sila, kaya boarders ang tawag ko sa kanila, kasi hindi pa naman sila convicted. . . para di masyadong mabigat sa loob, pangit pakinggan,” pasabot ni Jamiri.

Dugang sa OIC Warden nga sulod sa usa ka semana nga kasaulogan sa National Correctional Consciousness Week (Oktubre 24-29), himoon ang Religious Day, Livelihood Day pinaagi sa paghimo ug sabon, medikal ug dental outreach, Sports friendship game, tree planting, team-building  ug Family Day.