Giplastar na sa Provincial Anti-Drug Abuse Council kun PADAC ang Information Management System (IMS) alang sa mga Voluntary Surrenderees for Reformation (VSR) sa tibuok Davao del Norte.
Upat ka mga VSR ang miapil sa simulation ug data capture nga gipahigayon kagahapon Nobyembre 3 didto sa Bulwagan ng Lalawigan sa naplano na nga proseso alang unya sa mas dakong kalihokan karong Nobyembre 14. Himoong “pilot test area” ang 7 ka barangay sa Kapalong diin ang pagkuha ug mga ilhanan (profiling) sa mga VSR ipahigayon didto sa Maniki Central Elementary School nga gitawag ug “Aksyon, Gamutan at Rehabilitasyon” kun ‘AGR.’
Gitawag pa ni Provincial Administrator Samson Sanchez nga mao sab ang OIC provincial governor ang mga VSR nga “Very Special Resource persons for simulations sa gihimong pag-testing sa sistema ug pagkuha ug mga ilhanan.
“VSR, Voluntary Surrenderee for Reformation. . . But I would change it for this afternoon: Very Special Resource persons . . . in the sense that this afternoon we are going to simulate what will transpire on November 14 in Kapalong. So kaning atong mga VSR karon dinhi, they are here for us to be able to determine the time and motion . . . mahibal-an nato whether the entire number makaya ba gyod nato for the whole day,” matod ni OIC governorSanchez.
Gidugang ni Sanchez nga ang probinsya mihimo ug iyang kaugalingong mga lakang aron tabangan ang mga boluntaryong misurender nga sobra napulog upat ka libo ug giisip nga mga biktima sa illegal nga droga uban ang pagkonsiderar sa talaan sa Philippine National Police.
“What are we going to do with this fourteen thousand? Being in the government, we have really to take action, to take complete action and intervention ini nila because they are really Dabaonons,” dugang sa OIC provincial governor.
Ang proseso naglakip sa paghatag ug “sequence number” sa mga VSR dayon moadto sa mga encoder alang sa pagtubag sa gikinahanglang mga ilhanan. Sunod niini, ang paghatag ug kapilian sa VSR labot sa gusto niya nga madawat nga tabang nga naglakip sa skills livelihood training, basic education, medical ug dental, sports development program, PDRRMC responder panahon sa kalamidad ug uban pa.
Depende unya sa profiling sa usa nga nahimong biktima sa illegal nga droga mao man sab unya ang ipaabot nga intervention sa PADAC.
