Wala angkona ni Gobernador Anthony G. del Rosario (AGR) ang nadawat nga Seal of Good Local Governance (SGLG) nga pasidungog hinuon iya kining gihatag ngadto sa mga department heads ug mga empleyado.

“The people really that are credited for having successfully done this are really the employees especially the department heads,” matod ni Gob AGR.

Gidugang ni Gob AGR nga dili importante kung kinsa ang gobernador hinuon ang panaghiusa ug tinud-anay nga pagtrabaho sa mga empleyado.

“It’s not really the governor, the vice governor. I’m not saying this because I’m a newly seated governor.

Of course, credit goes to the governor providing the guidance but it’s really the hard work of the department heads, the assistant department heads and all the employees for taking in unison that has been able to produce this award for Davao del Norte. We are truly proud of your work, daghang salamat sa inyong tabang,” pag-ila ni Gob AGR sa paghago sa mga trabahante.

Gawas sa probinsyal nga kagamhanan sa Davao del Norte, lakip sab nga nakadawat ug Seal of Good Local Governance mao ang mga LGUs sa Tagum City, Panabo City, IGACOS ug ang lungsod sa Braulio E. Dujali. Ang Asuncion, Kapalong, Talaingod, San Isidro, New Corella, Sto. Tomas, ug Carmen tabangan sa Department of Interior and Local Government aron usab sila mokwalipikar sa tinuig nga pagsusi sa DILG.

“While I’m happy that we received this award . . . I’m bothered that there are still seven municipalities that failed to receive. And to me mura’g hilaw ang kalipay kay kulang. Of course as mentioned. .  that there will be capability building seminar to ensure that the other LGUs be properly briefed on how to ensure that they will be able to receive this award in years to come. If needed we have our department heads . . to ensure that their counterparts in all seven remaining LGUs are properly informed and briefed. Ang pinaka dako nga kalipay jud nako if all. . . will all win this SGLG in subsequent years,” pagdasig ni Gob AGR sa mga LGUs nga wala makadawat ug SGLG.       

Ang SGLG nga kanhi gitawag ug Seal of Good Housekeeping (SGH) nga programa gihatag ngadto sa mga munisipyo, syudad ug probinsya kinsa nakakab-ot sa mga sukdanan sa mapinadayonon maayong pagdumala samtang nagtagana usab ug lain-laing serbisyo ngadto sa publiko uban ang pagka may tulubagon (accountability) ug pagka bukas (transparent) sa iyang mga transaksyon ngadto sa publiko.

Usa ang Davao del Norte sa pipila lang ka mga probinsya sa tibuok nasod nga ang tanang LGUs niini pasado sa SGH.

Gawas sa pasidungog, may mga insentibo usab nga mabatonan ang mga LGU nga pasado sa SGLG sama sa Performance Challenge Fund ug uban pa nga national performance based nga mga programa.

Sa miaging 2015, ang probinsyal nga kagamhanan sa DavNor nakadawat sab ug SGLG.

DavNor News