National finalist ang Davao del Norte ug ang laing unom pa ka mga LGU sa tibuok nasod alang sa 2016 Best Public Employment Service Office provincial 1st class category.
Atol sa Monday Convocation program niadtong Lunes, Nobyembre 7, usa ka “re-enactment” ang gipahinabo sa pagdawat sa pasidungog gikan sa Department of Labor and Employment (DOLE) sa Rehiyon XI.
Matod ni provincial DOLE direktor Erlinda Mamitag nga nakab-ot sa DavNor PESO ang kadungganan tungod sa maayong nalampos niini ilabina ang pagtabang sa publiko alang sa panarbaho.
“One is for the exemplary performance, ang achievements nila and their innovations. Let’s say in SPES nag overshoot pod ta sa target. And I’m very happy and very proud nga ang atong mga PESO managers here in Davao del Norte are indeed very active, very supportive and committed in doing their tasks or as partners in facilitating employment in Davao del Norte,” matod ni direktor Mamitag.
Tungod sa daghang job fairs nga gipahigayon, misaka ang employment rate sa probinsya ug mius-os ang pagka walay trabaho.
“For Davao del Norte we have around 94%; more or less naa ta’y unemployment rate around 6 to 6.2%, . . . . and we’re very happy. And we hope na more investors will come in, more employers will join us in our job fair para daghan sa atong mga aplikante from Davao del Norte will find a good job,” padayong pahayag sa provincial direktor sa DOLE.
Gawas sa nakab-ot nga mga pasidungog, matod sa DOLE provincial direktor nga padayon nga nangita ug mga pamaagi ang mga PESO managers aron makatabang lakip na ang impormal nga sektor.
“One thing for our PESO managers in Davao del Norte is they do not stop. They really look for ways and means to innovate kung unsa ang pwedeng mahimo para matabangan not only sa formal sector but as well as sa informal sector . . . na magkaroon ng livelihood assistance from DOLE,” pasabot ni direktor Mamitag.
Midugang sab si DavNor PESO manager Gloria Excelsa Pamugas nga usa sa dakong hinungdan sa nakab-ot nga pasidungog maoy tungod sa maayong relasyon tali sa probinsya ug sa mga lungsod nga PESOs.
“Actually the provincial PESO is supporting all PESOs that is why in terms of technical support, in terms of financial support sa ilahang mga activities sama sa job fair, sama sa livelihood training naga suporta ang provincial PESO. And we are also making it sure nga we maintain a good relationship with our LGU-based PESO and of course with that school-based PESO para makuha nato ang maayong employment facilitation provisions sa tanang Dabaonon dire sa Davao del Norte,” pag-angkon ni Ms. Pamugas.
Niadtong 2015, gipasidunggan sab ang DavNor PESO ingong pinakamaayo sa implementasyon sa Labor Market Information, Self-Employment Program sa Panginabuhian ug Panarbaho (Livelihood and Employment Programs) ug alang sa PESLA (Pre-Employment Seminar for Local Applicants).
Gawas sa probinsyal PESO, midawat sab ang Panabo PESO ug ang University of Mindanao Tagum College sa Hall of Fame Best PESO alang sa State Universities & Colleges nga kategoriya.
