Gihangyo ni Gobernador Anthony G. del Rosario ang kooperasyon sa mga “Volunteers Submitted for Reformation” kun VSR atol sa pilot testing sa Provincial Anti-Drug Abuse Council (PADAC) Aksyon Gabay Tungo sa Repormasyon Convergence of Services kagahapon Nobyembre 14 didto sa Maniki Central Elementary School, Kapalong, Davao del Norte.

Gipasaligan sa gobernador nga mao sab ang chairperson sa PADAC ang mga VSR nga misurendir nga andam gayod ang iyang administrasyon sa pagtabang kanila.

“I know that it took courage for drug dependents and pushers to voluntarily submit themselves to authorities but our fight does not end there. . . My administration is bent on helping the flood of users pledging to kick their habits. We shall not leave the victims to battle addiction largely on their own. . .

Mao ginahangyo nako ang tanan partisipante sa ilang kooperasyon. We have already done our part. Now, it is your turn to move towards change. Kay kamo lang makabuhat ana,” pasabot ni Gobernador del Rosario ngadto sa mga 314 ka mga boluntaryong misurender nga mga biktima sa ilegal nga droga.

Hinuon luyo sa pagtabang, kusganong gipahimangnoan sab ni Gobernador del Rosario nga kung pananglit pilion sa mga VSR nga mobalik sa ilang daotang binuhatan, dili sab magpanuko ang probinsya nga undangon gayod ang ilegal nga droga.          

“Dili mo namo biyaan sa inyong lihok sa pagbag-o pero kung inyong pillion na isalikway ang tsansa na gihatag sa inyo ug mo balik pa mo sa daotang binuhatan, i-andam ninyo ang inyong sarili sa mga sangpotanan na inyong atubangon kay  kami dili mo undang hangtod naa pay nagpabilin na illegal na droga sa atong probinsya. I ask for your all-out support and unequivocal subservience to our commitment to the President’s campaign against drugs, as well as to our thrust of rehabilitating the victims and bringing them back to the mainstream of society. This is in fulfillment of our governance mantra “Abilidad at Malasakit”. Magtinabangay ta sa pagkabot sa usa drug free na Davao del Norte,” kusganong pahimangno sa gobernador.

Sa 314 VSR nga midawat sa serbisyo sa PADAC, tulo niini maoy mga babaye. Matod ni alias “Cheng,” usa ka nag-inusarang inahan nga boluntaryong mitahan sa iyang kaugalingon ug wala na maghulat nga ma ‘TokHang’ sa mga awtoridad kay nahadlok siya nga mapatay.

“Unang-una, syempre di ko gusto pod nga ma “Tai-Chi” ko, mamatay ko kay single mom ko nga four akong kids. Usa pa pod, kapoy na pod nga magsige ug ingon ana, gamit ug wala ju’y paingnan,” pag-angkon ni Cheng nga gawas sa paggamit, nagtulak usab ug shabu.

Nga mipili sa Livelihood Intervention nga gitanyag sa PADAC ug andam mopailawom sa pagbansay, mapasalamaton ug desidido si Cheng nga biyaan gayod ang daotang bisyo.

“Livelihood, Cook. . . Oo syempre. . . chance na namo na nga naa mi other income. . . Thankful mi kay  naa ni siya. At least naa mi kanang pagka-abalahan nga lain unya pang-wartahan pod. . . Ug para sa kinabukasan,” pasalig ni Cheng sa iyang determinasyon nga mobiya gyod sa ilegal nga droga.

Lakip sa mga serbisyo nga gitanyag sa PADAC ingong long-term nga interbensyon naglakip sa  Rehabilitation Services, Spiritual & Moral Recovery Program, Veterinary Assistance, Farm Management Skills Training, Livelihood Training and Scholarship, Basic Education (Alternative Learning System), Social Services, Legal Services, Sports Development Program, PDRRMC Responder Training, apil na ang short term nga Medical and Hygiene Services, Dental ug X-Ray, libreng gupit, half-body massage ug manicure-pedicure nga serbisyo samtang naghulat sa long-term nga mga serbisyo.

DavNor News