Gipahingusgan ni Governor Anthony del Rosario ang pag-implementar sa Results-Based Management (RBM) approach aron masuta ang sangputanan ug dakong kaayuhan nga dalit sa mga programa ug proyekto sa Probinsyal nga Panggamhanan alang sa mga Dabaonon.

Ang RBM usa ka estratihiya sa pagdumala kundiin naka sentro sa matag lihok sa mga opisina ug empleyado sa kapitolyo aron makab-ot ang kinatibuk-ang tinguha sa mga programa. Tumong niini nga daghan ang maka-benipisyo ug mamahimong malahutayon ang resulta sa mga proyektong e-implementar.

Sumala ni Gov. del Rosario, pinaagi sa maong reporma mas mudaghan pa ang maka-benepisyo ug makabati sa kalambuan pinaagi sa mga proyekto ug programa nga ipatuman sa iyang administrasyon.

“We are pursuing this vital reform in program management to make our interventions more efficient and effective in transforming our communities”, saysay sa Gobernador.

Ang RBM nga pamaagi ginagamit usab sa mga ahensya sa United Nations aron mapaniguro nga mapaabot sa katawhan ang ilang mga serbisyo sa mas epektibo ug hapsay nga pamaagi. Ang bunga niini nga Results Matrix (RM) mao usab ang gigamit sa nasyonal nga panggamhanan aron makuha ang resulta sa Philippine Development Plan.

Pinaagi sa bag-ong giduso nga reporma, gi-lauman sa probinsya nga makab-ot niini ang tinguha nga pagpataas sa kalidad sa kinabuhi sa matag Dabaonon nga maoy mamahimong resulta sa B.E.S.T. P.E.O.P.L.E. development agenda sa iyang administrasyon.

“Gone are the days when we only put so much emphasis on inputs, activities and outputs in our accomplishment reports. This time, we shall shift our focus from input-output monitoring to give more weight on the achievements of the outcomes and impacts prioritized in our plans”, sulti sa gobernador.


 

More Davnor Updates at

DavNor Karon

 

DavNor News