Uyon sa direksyon sa administrasyong Anthony del Rosario nga panggamhanan, nagpahigayon ang Sangguniang Panlalawigan kauban ang Davao del Norte Provincial Treasurer’s Office ug serye sa mga public hearing arong mabati ang sentimiyento sa lungsod alang sa plano nga rebisahon ang ubang bahin sa kasamtangang Revenue Code para sa tuig 2017-2022.

Gipasabot ni Committee Chairman on Ways and Means Board Member Alfredo de Veyra III ang katuyoan sa pagpahigayon sa maong public hearing. Niadtong buntag sa Pebrero 2, 2017, unang gipaminaw ang hunahuna sa taga New Corella dayon didto sa Asuncion. Pagka Pebrero 3, gipahigayon sab kini didto sa San Isidro ug Kapalong ug dayon pagka Huwebes, Pebrero 9, ang public hearing didto na sab gipahigayon sa Sto. Tomas ug Talaingod nga gisundan pagka ugma didto sa Carmen ug Braulio E. Dujali, Pebrero 10.

“Our government is in need of lifeblood, and if taxes are not present our government cannot function,’ matod ni board member de Veyra III.

Gisugyot sa Provincial Treasurer’s Office ang gimbut-an sa balaod nga 10% nga usbaw ngadto sa Sangguniang Panlalawigan alang sa tanang buhisanan ug bayranan.

Niadtong 2016, nakakolekta ang Davao del Norte’s ug P23,403,083.64 gikan sa lokal nga buhis.   

Ang pondo nga nakolekta gikan sa lokal nga mga buhis gigamit aron masuportahan ang mga mag-uuma pinaagi sa paghimo ug pagmentinar sa mga farm-to-market nga karsada aron mapasayon ang pagdala sa mga produkto gikan sa uma, pagtabang sa pobre nga mga estudyante alang sa ilang libreng edukasyon, paghatag ug libreng PHILHEALTH para sa MASA ug ubang mga programa sa probinsyal nga panggamhanan.

Pinasikad sa Republic Act 7160 nga gitawag ug Local Government Code, ang nasyonal nga panggamhanan naghatag ug awtoridad sa mga Local Government Units nga maghimo ug kaugalingong pamaagi sa buluhisan aron makab-ot ang usa ka lig-ong komunidad ug produktibong molupyo.

Ilawom sa maong balaod, ang mga LGU makahimo sa pag-usbaw sa mga bayranan makausa matag lima (5) ka tuig nga dili molapas ug 10% sa mga bayranan nga anaa sa Code. 


 

More Davnor Updates at

DavNor Karon

 

DavNor News