Nanawagan ang Director General sa Philippine Information Agency kun PIA nga mahimong responsable ang matag usa ilabina sa pagpakatag ug impormasyon.

“Daghan kaayong mga fake news. Daghan kaayong daotang mga balita pero kita mismong katawhan, kita ang naay responsibilidad nga mahimo kitang instrumento nga dili kita magpakalat ug impormasyon to terrorize the people, makahahadlok sa atong katawhan. So gi-awhag nako ang tanan nga makipag-work, makig-kooperar sa gobyerno, local government ug national government para mahimong mas hapsay ang atong adlaw-adlaw’ng panginabuhi,” matod ni PIA Director General Harold Clavite atol sa paglusad sa ASEAN Information Kiosk kagahapon Pebrero 22, didto sa Robinson’s Place, Tagum City.

Ang PIA mao ang nagsilbing tighatod ug impormasyon gikan sa nasyonal nga panggamhanan ngadto sa mga Local Government Units.

Gawas sa mga katikaran labot sa nasyonal nga panggamhanan,  apil usab nga masayran gikan sa mga PIA info kiosks ang mga hinungdanong impormasyon labot sa Association of Southeast East Asian Nations (ASEAN) ug ang mga kalihokan sa pag-host sa Pilipinas sa serye sa mga miting nga pagahimoon.

Ang 10 ka nasod sa Thailand, Vietnam, Indonesia, Singapore, Pilipinas, Malaysia, Myanmar (Burma), Cambodia, Laos ug Brunei mao ang naglangkob sa ASEAN.   

“Kaning atong gina-set up karon nga PIA information kiosk around the country, specifically here in Tagum City in Davao del Norte, kini mahimong source of information para sa atong kababayan nga gustong makahibalo kung unsay programa sa atong gobyerno karon sa national government sa panguna sa atong pangulo Pangulong Rodrigo Duterte, at the same time ang mga activities happening this year in relation to the hosting of the Philippines to the 50th anniversary of the ASEAN and all of the ASEAN meetings that are taking place,” padayong esplikar ni Clavite.

Kay gustong masabtan sa tanan, matod sa PIA Director General nga ang paghubad ngadto sa lokal nga pinulongan ila nang gisugdan sa paghimo.

“Right now we are working on translations into Cebuano, bisaya, kay mao man ang pinakadako nga lenggwahe sa atong lugar but at the same time dili nato kalimtan ang atong mga Lumad nga  kaigsoonan. So  inig-abot sa panahon nga mosaka kita didto sa mga barangay, didto sa atong mga Lumads, we will make sure nga aduna ta’y materials nga ila pod masabtan ug ila pod mabasa. So either translation into the local dialect or naa ta’y ubanon nga interpreter nga maoy mohubad sa atong estorya para masabtan gyod sa atong katawhan. Sa panahon nga nagahimo ta ug barangay forum sa lumad communities, definitely kailangang masabtan nila ang atong impormasyon,” paneguro ni PIA DG Harold Clavite.

Kagahapon sa buntag, unang gilusad didto sa Big 8 Corporate Hotel ang PIA Info Kiosk dayon didto sa Robinson’s Place pagka hapon.

 

Photo Caption:

Gilusad sa Philippine Information Agency (PIA) pinaagi ni Director General Harold Clavite ang Information Kiosk didto sa Big 8 Corporate Hotel kagahapon sa buntag samtang gipahimutang usab kini didto sa Robinson’s Place Tagum City pagka hapon. Ang mga PIA Info Kiosks maghatag ug impormasyon sa mga kalihokan sa nasyonal nga kagamhanan lakip na ang importanteng mga katikaran labot sa 10-ka nasod nga miembro sa ASEAN ug ang pag-host sa Pilipinas sa serye sa ASEAN miting.


 

More Davnor Updates at

DavNor Karon

 

DavNor News