May bag-ong Police Provincial Director na ang Davao del Norte Police Provincial Office (DNPPO) sugod Biyernes, Pebrero 24, 2017.

Pinaagi sa usa ka simple nga turn-over ceremony nga gidumala ni Police Regional XI Director Police Chief Superintendent Manuel Gaerlan, gidawat ni PSSupt Marcial Mariano Magistrado IV ang pagdumala sa DNPPO ingong Officer-in-Charge gikan kang outgoing Acting Provincial Director PSSupt Ferdinand Sifuentes nga gitambongan ni acting governor Vice-Governor Alan Dujali, Executive Assistant Nemeses Nuñez, mga hepe sa 11 ka police stations ug mga kapolisan.

Sa pakighinabi sa mga sakop sa media, desidido si PSSupt Magistrado nga tutokan ang paglimpyo sa ilang organisasyon sa probinsyal nga lebel.

“Rest assured that I will do my mandate which will be focus on internal cleansing, anti-illegal drugs although suspended pero minomonitor pa rin namin yan, illegal gambling, index crime and corruption,” pahayag sa bag-ong probinsyal direktor.

Gawas sa internal cleansing, gipasabot ni OIC-PD Magistrado IV nga iya sab tutokan ang wala masulbad nga mga kaso sa DNPPO lakip na ang pag-monitor mismo sa iyang kapolisan. Sa wala pa na-asayn sa Davao del Norte, si Magistrado IV maoy hepe sa Regional Investigation and Detective Management Division (RIDMD) sa rehiyon XI nga buhatan. 

“Conduct focus sa case review . . . particularly yung unsolved cases saka yung death under investigation (DUI) so yun po ang priority natin. Kailangan natin nga mag-conduct ng thorough case review hopefully magkaroon po tayo nga case resolution efficiency,” dugang pahayag sa bag-ong OIC PD.

Human sa turn-over ceremony, mibiyahe dayon ang bag-ong OIC-PD padulong sa Island Garden City of Samal aron motabang pagdumala sa seguridad sa pagduaw ni Presidente Rodrigo Duterte nga magbukas sa usa ka rehab center alang sa mga biktima sa ilegal nga droga.

 

Photo:

Mihatag sa iyang pahayag ang bag-ong Davao del Norte OIC-Provincial Director PSSupt Marcial Mariano Magistrado IV ngadto sa mga sakop sa kapolisan sa probinsya atol sa turn-over ceremony nga gipahinabo didto sa Marangal Hall, DNPPO.


 

More Davnor Updates at

DavNor Karon

 

DavNor News