Gisugyot sa singer, komposer ug kanhi tsirman sa Music Committee National Commission for Culture and the Arts (NCCA) nga himoong maayo ug interactive ang desinyo sa giplanong Museum atol sa  gipahigayon nga 5-ka adlaw Historical Workshop and Write-shop nga gipasiugdahan sa probinsyal nga panggamhanan ni Gob Anthony del Rosario sa tuyo nga mapreserbar ang arte, tradisyon ug kultura sa Davao del Norte.

Ang Davao del Norte magsaulog sa iyang ika-50 nga anibersaryo karong Hulyo 1, 2017 sukad kini nahimong lalawigan niadtong Hulyo 1, 1967.

Sumala ni Joey Ayala (José Íñigo Homer Ayala), usa sa mga mamumulong sa gipahinabong workshop-writeshop nga ang ingon nga desinyo magpahinabo sa mga bisita nga mobating nakig-komunikar sila ug dili lang igo nga mitan-aw sa mga displey.

“Make a good design, so meaning clarify whom do you want to visit the museum and what do you want them to feel and think. Next ana mangita unsay mosulod sa design. Ano yung hahanapin para ipasok sa design. Something nga mag-interact ang tawo dili lang kay tan-awon siya, passive ang exhibit. Something that is more interactive. Moabot ang tawo naa siyay maagian nga proseso; paggawas niya engaged siya, makikita niya ang relevance ng Davao del Norte sa buhay niya,” pahayag ni Joey Ayala pagkahuman sa iyang paghisgot labot sa “Frameworks for thinking about arts and culture.”

Labot sa “himalatyon” tradisyonal nga mga kultura, misugyot sab si Ayala nga kinahanglang magmatinud-anon nga aduna gyod “kamatayon” na nga bahin sa kultura nga angay lang usab dawaton. o kaha “bag-ohon” pinaagi sa pagdugang ug konsepto aron kini “mabuhi” pag-usab.    

“It is so related the acceptance of death. There are some things that you should allow to die because they already are dying or are no longer practical in the modern context. . . There are some things nga bisag unsaon nimo mamatay man gyod na. And sometimes the death will point to a flaw in a system. For example, sayaw sa katutubo nga indigenous nga thanksgiving. At bakit they are no longer gratis, thankful. Kasi pagdating ng harvest bayad utang, palit fertilizer, bayad na pod utang. Wala na mang thanksgiving na hindi masaya eh,” padayong esplikar sa kanhi Komisyoner sa NCCA.

Nalipay nga nakamatikod ang kanhi Komisyoner sa NCCA sa interes nga gipakita sa probinsya sa Davao del Norte labot sa pagpabili sa arte ug kultura

“I’m very happy to see how much importance is being given to arts and culture. . . The design of our society resides in the arts and culture. That is the way that the design of living is expressed through arts and culture. So if we do not pay attention to that, we are living according to the design of other people,” matod ni Joey Ayala nga nailhang hawod magsagol sa etniko nga mga instrumento sa musika sa modernong mga awit sa bag-ong henerasyon.


 

More Davnor Updates at

DavNor Karon

 

DavNor News