Aron ang katawhan masayod, ihatod ni Gobernador Anthony del Rosario ang iyang pinaka-unang State of the Province Address (SOPA) atol sa sesyon sa Sangguniang Panlalawigan alas 2 sa hapon Lunes, Marso 13, 2017 nga ipahigayon sa RDR Gym.

Ang SOPA maoy tinuig nga taho nga magpahibalo sa mga kalamposan sa milabay’ng tuig ingon man ang mga plano ug programa sa administrasyon alang sa umaabot.

Uban sa aprobado na nga P1.534 bilyon nga badyet niadtong Enero 2017, gilaoman nga ipadayag ni Gobernador Anthony ang iyang mga programa nga magtutok sa kalamboan ug ipataas pa ang nahimong maayong serbisyo sa pagpauswag sa Davao del Norte.

Apil niini ang paglusad sa Alliance on Grassroots Responders kun AGR karong tuiga. Luyo sa kalampusan sa programang Oplan ANDAM, kini gipalapdan pa nga maglakip na sa tanang 223 ka barangay sa probinsya nga naghiusa sa Climate Change Adaptation ug Disaster Risk Reduction Management nga mga paningkamot. 

Ang nasugdan Stimulus Fund nga tig P500,000 matag barangay sa miaging administrasyon ipadayon ug gipaayo pa pinaagi sa paghimo sa programa nga matag tuig na.

Ingong suporta sa kusganong kampanya ni Presidente Rodrigo Duterte batok ilegal nga droga, gilusad sab ni gob Anthony ang Aksyon, Gabay at Rehabilitasyon–Information Management System (AGR-IMS) aron makuha ang hustong impormasyon gikan sa mga biktima ug mahatagan sa angayan nga interbensyon. Unang gilusad kini didto sa Kapalong ug misunod sab ang pagbansay-bansay sa nagkalain-laing katakos sa panginabuhian alang sa mga Volunteers Submitted for Reformation kun VSRs.  Gikan sa Kapalong kini ipaabot ngadto sa tanang LGUs sa Davao del Norte.

Gilaoman sab nga lakbit-hisgotan sa Gobernador ang e-Governance nga programa sa iyang administrasyon sama sa Executive Management Information System (EMIS) ug Reorganization Information Management System (RIMS) sa pag-monitor sa mga resulta sa gi-implementar nga mga programa. Kini ug tanang langkit-impormasyon nga sistema gilangkob nga pagatawgon Davao del Norte Knowledge Information Management System kun DNKIMS diin ang tanang opisina sa Kapitolyo makakuha ug mga impormasyon gikan sa lain nga opisina.

Gawas nga gobernador sa Davao del Norte, si del Rosario gitudlo sab ni Presidente Duterte ingong chairperson sa Regional Development Council sa Rehiyon Onse gikan sa 2017-2019. Sa iyang unang pagdumala sa miting niadtong Marso 8, gi-aghat ni gob Anthony ang konsilyo sa pagseguro sa ilang mga paningkamot alang sa kaayohan sa tibuok rehiyon diin nasakop sab ang probinsya.

“I would like to enjoin that our efforts of this council will continue to be results-oriented. . . I saw two things that to be taken by this RDC. First, we should ensure that we get bigger slice of the national budget for our region. . . We need to work very closely with our congressional representatives to ensure that budgetary level of this council gets approve. Second, our proposals or recommendations in Congress must be seriously considered. Congressional representatives’ support to this proposal is crucial to ensure that all our proposals are integrated in the approved legislations,” pagdasig sa RDC XI chairperson ug gobernador sa Davao del Norte. 

Gawas sa pagkahimong RDC XI chairperson, natudlo sab si Gobernador del Rosario nga Davao Integrated Development Program (DIDP) chairperson ug National Executive Vice President sa League of Provinces nga makatabang sa dali nga paglambo sa Davao del Norte.

 

Photo Courtesy: Lord Apique

Malipayong gidumala ni RDC XI chairperson Gobernador Anthony del Rosario ang iyang unang miting sa Regional Development Council niadtong Marso 8, 2017.

 


 

More Davnor Updates at

DavNor Karon

 

DavNor News