Sanglit walay gipili ang kalamidad ug hinimoan sa tawo nga katalagman, gilusad sa probinsyal nga panggamhanan ang Alliance of Grassroots Responders (AGR) nga magkobre sa tanang 223 ka mga barangay sa tibuok Davao del Norte kagahapon, Martes, Marso 14.

“Sa pag-assume sa atong halangdong governor, usa sa iyang gitutokan mao ang disaster preparedness and response tungod kay nasinati kanunay matag tuig ang kalamidad. . dili nato solohon ang pagtubag niining disaster. . dili lang ang lebel sa munisipyo, syudad ug probinsya apan ato kining ipaabot didto sa kabarangayan. . mao kining nahimugso ang Alliance of Grassroots Responders. Ang tumong niini nga makamugna kita ug mga counterparts nato ug mga linkages diha sa disaster response sa kabarangayan. . Parang another level gikan sa Oplan ANDAM 1, Oplan ANDAM 2, kining Alliance of Grassroots Responders will take the third level,” pasabot ni probinsyal administrador Samson J. Sanchez kagahapon atol sa paglusad didto sa Bulwagan ng Lalawigan.

Kahinumduman nga ang kanhi gisundan nga programa Oplan ANDAM (Advocacy on Natural Disaster Awareness and Management) nagkobre lamang sa mga barangay nga daling maabot sa kalamidad sama sa tsunami, storm surge, baha, linog ug kadtong anaa sa “fault lines” nga komunidad nga kini dugang gipalapad pa sa Alliance of Grassroots Responders pinaagi sa Provincial Ordinance numero 2016-009.

“We have to set the bar higher for our BEST PEOPLE development agenda by not limiting our risk reduction management efforts to just disaster-prone barangays. Dapat iapil pod nato ang tanan barangay, 223 barangays sa probinsya para pirmeng andam ang atong mga lumulupyo. That is what we are launching today, the Alliance of Grassroots Responders,” pahayag ni Gobernador Anthony del Rosario kabahin sa katuyoan sa paglusad.

Ang matag barangay adunay tem sa AG Responders nga langkoban ug 10 ka miembro gikan sa lain-laing sektor sa komunidad. Silang tanan mopailawom sa mga pagbansay-bansay nga ipahigayon sa Provincial Disaster Risk Reduction Management Council alang sa katakos ug kapasidad nga magamit ilabina panahon sa emerhensya. Kini maglakip kun ngano ug unsaon pag-rescue diha sa tubig, drift water rescue, pagpangita sa nawala ug daghan pa. 

Photo courtesy: Lord Apique


 

More Davnor Updates at

DavNor Karon

 

DavNor News