Gihatagan ug pagtagad sa probinsyal nga panggamhanan sa Davao del Norte ang dugay na nga suliran sa pag-abuso agi ug pagtimaan sa kasaulogan sa Bulan alang sa Kababayen-an (Women’s Month) atol sa gipahigayon nga convocation pinaagi sa Provincial Social Welfare Development Office kagahapon Lunes, Marso 20.

Nga nagdala sa tema “We Make Change Work for Women” gihisgotan ni guest speaker Judge Dorothy Montejo-Gonzaga nga angay gyod nga pahimuslan sa mga kababayen-an ang gilatid sa balaod sumala sa RA 9262 kun Anti-Violence Against Women and Children kun VAWC.

“So naa na ang change. Has this been realized? Where I’m sure there is a certain percentage. I should say during the raffling of our cases, dili gyod ma-zero every week nga naay VAWC nga case. So meaning aware na ang wife, aware na ang live-in-partner. . . Moabot ba diay siya sa korte kung wala pa siya kabalo sa iyang katungod? . .  But the sad reality is, daghan gihapon tang kaila, kasilinganan, kaparyentehan nga bisan kabalo na ini nga provisions, wala gihapon sila nagtingog-tingog, wala gihapon nila gi-avail ang provisions sa RA 9262. . Naa gyo’y survey sa National Commission on Women . . . naa gyo’y daghan nga dili pa gihapon naga-report nga gina-abuso na sila,” pahimangno sa babayeng maghuhukom sa Branch 30, RTC sa Tagum City.

Dugang pagbutyag ni Judge Montejo-Gonzaga nga sumala sa surbi, daghang rason nganong gipili sa mga biktimang babaye nga magpakahilom.

“There are at least 19 reasons cited. Pero ang mga significant reasons nga mind-boggling. Una, . .  mao gyod ang nawong sa kababaihan nga mopaubos gyod ta sa atong mga partners, . . . Because we don’t want to break the family.  Lahi ang stigma pag broken family kay motuo sila nga di ko maayo nga asawa, dili ko maayo nga live-in-partner. .  Dili sila gusto nga maulawan ang ilang bana and would be known to the community as an abusive husband or partner. So ila na lang giluom. .  These things are still existing nga unta kabalo na man ta nga change has come along time ago. Naa na ta ani nga balaod pero wala nato gi-avail. . . domestic na siya nga mga issues,” dugang pahayag sa babayeng huwes.

Sanglit ang maong balaod naghatag ug legal nga katungod sa mga babaye diha man sa panimalay o trabahoan, gipasiugda ni Judge Montejo-Gonzaga nga pahimuslan kini alang sa ilang kaayohan. 

“I-emphasized gyod nako. . I would really like to mention you again that RA 9262 or the Anti-Violence against Women and Children Act is very real, tinuod kaayo. And this is being a great change favouring the women. . . . ideally mao gyod na ang gidulot, ang result ani nga balaod very beneficial to our women . . If we are physically abused, psychologically abused, economically abused and sexually abused by our partners, our husband, naa gyod nang lakiha dakong sagubangon didto sa korte,” pagdasig sa huwes sa nanambong sa convocation nga kadaghanan mga babaye.

Sa 16 ka departmento sa probinsyal nga panggamhanan sa Davao del Norte, 8 niini gi-okupar sa mga babaye.


 

More Davnor Updates at

DavNor Karon

 

DavNor News