Gob AGR gitudlong RDC XI, Mindanao RDCs Chairman
Prayoridad gayod ang pamilya alang kang Gobernador Anthony del Rosario ug bisan sa daghang responsibilidad nga gihuptan diha sa rehiyon lakip na ang para sa katibuk-ang Mindanao, iyang gipasalig nga unahon niini ang probinsya sa Davao del Norte.
“Since the day I assumed the office of Governor, I have repeatedly told all of you, the employees of this Provincial Capitol that do not make your JOB your LIFE, because your life is with your family. Your work only comes second to your families. Always remember that,” pasiugda sa gobernador sa pamilya nga mao ang angay’ng unang dapit sa usa ka empleyado.
Sa pagbalik ni gobernador Anthony gikan sa honeymoon didto sa Uropa, gitudlo siya ni Presidente Rodrigo Duterte nga mahimong RDC chairman sa Rehiyon XI ingon man chairman sa National Economic Development Authority (NEDA) Board-Regional Development Committee (RDCom) alang sa Mindanao Area. Apan bisan pa sa daghang responsibilidad nga magkahulogan ug daghang trabaho ug oras nga igahin, gipasalig sa gobernador nga unahon gayod niya ang Davao del Norte.
“These various capacities will definitely divide my time as the father of this province and as a father and husband to my own home. But rest assured I will put Davao del Norte in a vantage position and at the same time fulfill my obligations to my personal family. While I intend to be a good father to our Dabaonon people through my leadership branding “Abilidad at Malasakit (AMA),” I deem that I have to be a good father also to my own children and a best husband to my wife. Only then can I pursue without reservation my vow to take good care of the welfare and development of our people,” pasalig ni gobernador del Rosario.
Gisubli pa sa gobernador ang iyang ciento por ciento nga pasalig.
“Akong ipasalig kaninyo ang akong bug-os nga kasingkasing ug hunahuna sa kaayuhan ug kalambuan sa atong katawhan ug mahal nga lalawigan. Ug laomi ninyo nga dili gayud ako molihis sa akong saad nga ihatag ang akong siyento porsyento nga pagtagad alang sa maayong kaugmaon sa atong katawhang Dabaonon,” pasalig sa gobernador luyo sa daghan nga trabaho.
