2017 Brigada Eskwela Plus (BE+) ipahinabo Mayo 15-21.

Bag-ohay pa lang nahuman ang klase sa unang semana sa Abril apan nangandam na sab dayon ang upat ka dibisyon sa Department of Education dinhi sa Davao del Norte alang sa pagbukas sa klase karong Hunyo 2017.

Sa pakigtagbo sa mga sakop sa media atol sa Biz Talk sa Big 8 Hotel, gipasibaw ni DavNor Schools Division Superintendent Dr. Josephine Fadul nga usa sa mga lakang isip pangandam sa pagbukas klase mao ang pagpahigayon sa Brigada Eskwela Plus (BE+) nga ipahigayon karong Mayo 15-21, 2017.

“Brigada Eskwela basically a preparation of the public schools in preparation for the opening of classes on June,” mubong pangbukas nga pahayag ni Dr. Fadul.

Sa dibisyon sa Panabo City, gipasalamatan ni Ms Ana Liza Mendoza, Senior Education Program Specialist   ang gihimong pakig-atubang sa mga sakop sa prensa sanglit ang Panabo City adunay 45 ka mga Elementary Schools ug 12 ka mga pampublikong High School nga kinahanglang mapakaylap ang hustong impormasyon unsa gayod kahinungdanon ang Brigada Eskwela.

“Brigada Eskwela is one of the most effective program of the Department of Education that include, involve all sectors in the community . . sabay-sabay nating i-implement ngayong May 15-20, 2017 . . itong national school maintenance nga sikat nailhan ingong Brigada Eskwela,” pahayag sab ni Mr. Anwar Maadel, ang Tagum City division Brigada Eskwela school coordinator.   

“Very noble program of the Department of Education and find it very peaceful and meaningful in preparation for the opening of classes,” matod sab ni Mr. Jay C. Nang Education Program Supervisor sa dibisyon sa Island Garden City of Samal labot sa kaimportante sa Brigada Eskwela.   

Gipasabot ni Dr. Fadul nga alang sa 2017 gitawag kini karon ug Brigada Eskwela Plus (BE+) sanglit dili lamang pangandam alang sa pagbukas sa klase ang ilang gihimo apan apil na niini ang pagsukod sa katakos sa usa ka eskwelahan labot sa iyang kampanya nga mapaubos ang “drop-out rate” ug pataason ang “participation rate” sa mga estudyante.

“BE coordinators are busy . . . . . to ensure that comes June we will be having a ready school efficient, resilient . . . There’s one new component of BE 2017, particularly to raise the performance of the schools not just to improve and prepare the different facilities . . but to ensure as well, kasabay ng pagbigay ng necessary and needed facilities and resources . . . na magtaas ang performance indicators particularly on reducing drop-out rate and increasing participation rate,” pasabot sa DavNor Schools division superintendent.

Bukas ang Brigada Eskwela Plus alang sa tanan nga buot mobulontaryo. Ang mga butang o materyales nga i-donar sa indibiduwal, asosasyon o korporasyon alang sa BE+ 2017 mahimo sab nga i-menos (deducted) gikan sa buhis nga ibayad pinaagi sa pagpahimulos sa “tax incentives” nga ihatag sa Bureau of Internal Revenue diin pwede nga ang mga personahe na sa DepEd ang magpahigayon aron makuha ang tax incentives.

Gikatakdang buksan ang klase sa tanang pampublikong eskwelahan karong Hunyo 5, 2017.


 

More Davnor Updates at

DavNor Karon

 

DavNor News