Sa tuyo nga mapakusog pa ang programa sa paugnat sa kusog sa probinsya, gidala kini sa DavNor PADO Sports Division ngadto sa mga munisipyo.

Sa pagpahigayon sa ika tulong tuig sa DavNor Sports Camp niadtong Mayo 8, 2017 didto sa Davao del Norte Sports and Tourism Complex, namatikdan pag-ayo ni Asssistant Provincial Administrator ug Sports Division Head Giovanni Gulanes ang gipakitang taas nga interes sa mga kabatan-unan sa natad sports.

““Nalipay ta kay senyales kini na ang mga kabatan-unan mas taas ang ilang interes sa isports. . .Ang atong gihimo gidala nato ang sports sa ilang tugkaran,” pahayag ni Sports Division Head Giovanni Gulanes.

Ang maong summer sports camp dili lamang magpokus nga dulaon ang mga sporting events sulod sa DavNor Sports and Tourism Complex apan giapil sab ang dakong partisipasyon ug tabang sa matag munisipyo nga giila sa gidaugang sports kung diin ipahigayon ang ubang dula sulod sa usa ka semana.

“Adunay pipila ka mga sports na didto nato ipahigayon sa ilang munisipyo. Pananglitan sa New Corella didto ang swimming kay naa silay Matin-ao Pool, sa Asuncion kusog ang ilang Basketball Girls mao pud ang atong gilarga ug sa BE Dujali na naga gold sa Archery,” dugang pahayag ni Gulanes.

Laing tumong sa pagdala sa summer sports camp ngadto sa mga munisipyo mao ang dugang pagpaila-ila sa mga lugar sa probinsya nga giingong mga tourist spots.

“Tourism and Sports got together. There’s a sports it magnets a lot of people and that is exactly what we mean by tourism” dugang saysay sa hepe sa sports division.

Gawas pa, tumong sab sa programa nga mapasabot ang kaimportante sa himsog nga panglawas pinaagi sa paugnat sa kusog ug ang paglikay sa permanenteng pagdula ug kompyuter sa panimalay.

Nagsugod ang summer sports camp Mayo 8 ug mahuman sa Mayo 14, 2017 nga adunay siyam ka sporting events sama sa Arnis, Football, Sepak Takraw, Swimming, Table Tennis, Karatedo, Tennis, Volleyball ug Wrestling.

Gikalipay sa mga ginikanan ang pag-apil sa ilang mga anak sa sports camp tungod sa dakong tabang niini nga mapakusog ang potensyal sa bata ilabina sa umaabot nga regional ug national games.


 

More Davnor Updates at

DavNor Karon

 

DavNor News