Epektibo ang pagpugong sa pagtaas presyo (price-freeze) sa kasagaran nga mga produktong gamit sa panimalay nga kusganong gibantayan sa natungdan nga mga ahensya sa gobyerno samtang nailawom sa Martial Law.

“Automatic price freeze. Pero although automatic siya naghatag gihapon mi ug advisory. . . basic and prime commodities. . . rice, corn, canned goods,” pahayag ni Davao del Norte Department of Trade and Industry (DTI) Provincial Director Romeo L. Castañaga atol sa 2nd Quarter Provincial Micro, Small and Medium Enterprise Development Council (PMSMEDC) meeting nga gipahinabo gahapon Mayo 29 didto sa Heroben Hometel, Tagum City.

Dugang sa DTI direktor nga apil sab sa mga basic commodities ang bottled water ug isipon nga ilegal ang pagtaas sa presyo samtang epektibo pa ang Martial Law. Wala hinuon maapil sa price-freeze ang mga school supplies apan gidahom gayod nga anaa kini masulod sa suggested retail price (SRP) nga listahan gikan sa gobyerno lakip na ang construction supplies ug Liquefied Petroleum Gas (LPG) nga ubos sa Department of Energy ang pag-monitor.  

“Ang school supplies naa sa suggested retail price. . .May 23 and within 60 days. . .  bottled mineral water apil siya,” dugang pasabot ni Davao del Norte Provincial Director Romeo L. Castañaga.

Apil sa kasagaran nga mga produkto (basic) mao ang sardinas, processed milk, kape ug mg produkto sa harina.  

Tungod sa epektibong price-freeze mahimong i-report ni bisan kinsa nga mga establisamento nga illegal nga nagpataas sa mga presyo sa kasagaran nga mga galamiton sa tawo.

Sa maong miting, gipahibalo sab sa miembro sa PMSMEDC nga DILG ang emergency meeting nga ipahinabo karong adlawa Mayo 30 labot sa deklarasyon sa Martial Law.


 

More Davnor Updates at

DavNor Karon

 

DavNor News