Suportado sa probinsyal nga kagamhanan sa Davao del Norte ang pagpalapad sa impormasyon labot sa 10-nasod nga Association of Southeast Asian Nations pinaagi sa pagpahimutang sa ASEAN Information Kiosk mismo sa lobby sa Kapitolyo ug sa gihimong multi-sectoral forum Martes, Hunyo 6.

Ang napulo ka miembro-nasod sa ASEAN naglakip sa Brunei Darussalam, Malaysia, Indonesia, Pilipinas nga mao ang host sa tuig 2017, Singapore, Thailand, Cambodia, Lao PDR, Myanmar ug Vietnam.

“We have since declared our full support to this very noble endeavour as it would surely help the Filipinos in general and especially the Dabaonons in appreciating the benefits of being a member of the ASEAN. I believe this could pave the way for all our people to contribute and to share in making the country’s chairmanship of the 2017 ASEAN a great success,” pahayag ni Gobernador Anthony del Rosario atubangan sa lain-laing sektor sa katilingban, didto sa Big 8 Corporate Hotel.

Gipasabot sa gobernador nga ang mga programa sa iyang administrasyon kinahanglan anaa sa posisyon nga makahimo ang probinsya sa kompetisyon sa ekonomiya.

“That is why our provincial government took the pace of re-tooling and re-focusing our programs in order to ensure our relevance in this new era of growth. We have laid down the vital preparation to ascertain the competitive position of the province particularly in the advent of the ASEAN economic competition,” padayong pahayag sa gobernador nga kasamtangan mao ang Regional Development Council XI ug RDCOm Mindanao chairperson.

Ang mga hinungdanong impormasyon labot sa 10-nasod nga miembro sa ASEAN mabasa diha sa mga brochures, leaflets ug ubang balasahon nga makaplagan diha sa lima ka mga ASEAN info kiosk nga nakatag dinhi sa probinsya.

Ang gipahimutang sa Kapitolyo lobby mao na ang ikatulo dinhi sa Tagum City ug ikalima sa Davao del Norte-- sa lobby sa Big 8 Corporate Hotel, ground floor sa Robinson’s Place Tagum City, sa public transport terminal sa Panabo City ug lungsod sa Carmen.


 

More Davnor Updates at

DavNor Karon

 

DavNor News