Makusog nga palakpak gikan sa sobra 500 ka mga day care workers ang misugat sa pahibalo ni Gobernador Anthony del Rosario labot sa pag-usbaw sa honorarium sa probinsya gikan sa kasamtangan duha ka libo, ngadto na sa tulo ka libo epektibo karong tuiga 2017.

Sa tuig 2018 himoon pa gyod kini nga lima ka libo sumala sa gipahibalo sa Davao del Norte gobernador atol sa 27th Day Care Workers Day didto sa Atrium, New City Hall sa Tagum City, Byernes, Hunyo 9.

“Considering the critical role that you played in moulding the character and personality of our young kids, we are looking for ways to ensure your security of tenure and to enhance your professionalism. For this reason we strongly supports the passage of the Magna Carta for day care workers in congress. And with the Speaker coming from first district of Davao del Norte we are confident that this will be passed in the 17th congress,” pasiunang pahibalo ni Gobernador Anthony sa taliabot nga kaayohan sa mga day care workers sa probinsya nga gitawag niya ug mga “unsung heroes.”  

Sanglit gidebatehan pa ang Magna Carta alang sa mga day care workers, ang administrasyong del Rosario mihimo ug aksyon aron maarang-arang ang ilang mga kahimtang.

“In the meantime, samtang ginahulat pa nato ang approval sa Magna Carta, the most that the province can offer is a modest increase in your honorarium. . Starting this year, you will now be receiving a honorarium of Three Thousand pesos. . .  lahi pa tong sa LGU. Furthermore, sa 2018 bisan layo pa ang 2018, morag nakabutang didto sa crystal ball nga ang three thousand mahimo gyod na siyang five thousand,” padayong pahibalo sa gobernador nga samot gipalakpakan sa mga daycare workers.

Gawas sa pinansyal nga usbaw, katuyoan sa administrasyong del Rosario nga maangkon gyod sa mga day care workers ang tibuok kinabuhi nga kaayohan pinaagi sa pagpaeskwela kanila aron makakuha ug diploma sa ingon mapakusog ug mas maepektibo ang paghatod serbisyo sa mga Day Care workers.

“But in addition to that, the province is now offering the diploma on early childhood education under our Davao del Norte Learning Institute in order to professionalize our day care workers. Importante ning programa because this will ensure the continued education and improvement of our pre-school education,” padayong pahibalo ni gob Anthony nga padayong gipalakpakan sab sa mga partisipante.

Gawas sa nakalinya nga mga kaayohan alang sa mga day care workers sa tibuok Davao del Norte, regular sab nga gihimo ang mga training ug workshop alang kanila ilawom sa BEST PEOPLE development agenda sa kasamtangang administrasyon.


 

More Davnor Updates at

DavNor Karon

 

DavNor News