Giisip sa probinsyal nga kagamhanan sa Davao del Norte ang mga day care workers ingong “unsung heroes” tungod sa ilang dakong kontribusyon sa pag-amoma sa mga batang 3-4 anyos ang edad diha sa tanang day care centers sa probinsya.

Ingon niana ang pagtawag kanila ni Provincial Social Welfare Development Officer (PSWDO) Ms. Arlene Semblante sa iyang pag-abi-abi kanila atol sa 27th Day Care Workers Day didto sa Atrium, New City Hall sa Tagum City, Byernes, Hunyo 9.

“From island to highlands ang atoang 520 day care workers miabot gyod dinhi. . . Kanunay atong gisulti nga kamo maoy nahimong “unsung hero” sa atong mga kabataan nga nag-edad 3-4 years old. Dili lalim mag-amoma. . . Imagine 27th day care workers day sa atong province . . Bisag unsa kakapoy, malibang, mangihi,nag take-care mo ug ingon ana nga kabataaan. . . as you are the service-provider of our children who will become future sama niining nia dinhi,” matod sa DavNor PSWDO nga nagpasabot sa mga opisyales nga nakalingkod tapad ni Gobernador Anthony del Rosario.

“Unsung heroes” sab ang pagtawag kanila sa Gobernador nga mao ang keynote speaker sa maong panagtigom.  

“Mao man gyod ni ang akong tawag sa inyoha, our “unsung heroes,” kay kamo man gyod ang heroes sa atong mga kabatan-onan, the day care workers, for your unwavering dedication in shaping the growth and learning of our toddlers especially in their crucial formative years,” pagdayeg sa gobernador sa mga day care workers.

Gipaabot sa Local Chief Executive ang tim-os pasalamat tungod ug alang sa probinsyal nga kagamhanan.

“That is why allow me to extend the provincial government’s sincerest gratitude. Dako jud ang among pasalamat kaninyong tanan mga day care workers for your great contributions and accomplishments in helping our children get through day care to become successful learners ready for the next level of schooling,” padayong pasalamat ni Gob del Rosario.

Sa pag-ila sa ilang dakong amot alang sa kalamboan sa mga 3-4 anyos nga kabataaan, gi-usbawan sa probinsya ang ilang honorarium gikan duha ka libo ngadto tulo ka libo epektibo karong tuiga 2017. Gibutyag pa sa gobernador nga ila na sab gihunahuna ang pagpausbaw pa ngadto sa lima ka libo karong 2018.

Gawas sa tabang pinansyal ug regular nga mga training/workshop, ang administrasyong del Rosario pinaagi sa Davao del Norte Learning Institute (DNLI), naghatag ug “diploma on early childhood education” sa ingon mapakusog ug mas maepektibo ang paghatod-serbisyo sa mga Day Care workers.

DavNor News