Sa padayong paghatod sa gikinahanglang serbisyo ngadto sa mga Dabaonon pinaagi sa “AMA” kun Abilidad at Malasakit, pormal nga gibuksan sa probinsya ang kaugalingong Drug Testing Laboratory Lunes, Hunyo 19, 2017 aron mapakusog pa ang kampanya kontra ilegal nga droga.

Kini human sa pipila ka tuig nga paningkamot base sa legal nga mandato sa RA 9165 kalabot sa anti-drug abuse program sa gobyerno aron tabangan nga mapuslanon sa komunidad ang mga biktima sa ilegal nga droga. Usab ang mga Memorandum Circular sa Department of Interior and Local Government (DILG) numero 98-227, 99-236; 2001-127; 2001-90 ug 2003-131 dugang nagpalig-on sa pagtukod niini.

Matod ni Provincial Health Officer Agapito Hornido nga kini ang pinakauna sa Rehiyon XI ug sa isla sa Mindanao nga gipanag-iya ug gipadagan sa gobyerno.

“Today is a blessed day for Davao del Norte because we have inaugurated the newly-opened Davao del Norte drug testing laboratory. . The first in the whole Mindanao, owned and operated by the Local Government Unit. This is going to be an additional part of the PADAC initiative. . Drug program involves three activities. . The screening part, the laboratory examination which that time our drug laboratory center responds. .  and rehabilitation,” pasabot sa hepe sa sa DavNor PHO.

Kahinumduman nga sa pagmugna sa Provincial Anti-Drug Abuse Council (PADAC), migasto ug dako ang probinsyal nga kagamhanan ilabina sa pagpailawom sa tanang empleyado sa Kapitolyo sa random drug testing sayo niining tuiga.

Kung maaprobahan na sa Sangguniang Panlalawigan ang bayranan, ang DavNor Drug Testing Lab mao unya ang pinakaubos nga singil. Unang nakapahimulos sa libreng drug test ang bag-ong na-hire nga mga Jail Guards sa DavNor Provincial Rehabilitation Center kun provincial jail.

“Sumala sa bag-ong . .Revenue Code ang approved sa committee is P200 per screen. For that this could be going the cheapest drug testing in the province and maybe in Region XI. . This can be big revenue for the province with the cost recovery of the agents’ services,” dugang saysay ni Dr. Hornido sa bag-ong pasilidad sa Davao del Norte nga mahimong tinubdan sa dugang kita sa probinsyal nga kagamhanan.

Alang niadtong gusto nga ipa-confirm ang resulta, matod ni Dr. Hornido nga dinhi sa Mindanao, usa lang ang accredited confirmatory drug test, ang Southern Philippines Medical Center kun SPMC sa Davao City diin aduna kini Memorandum of Agreement sa Davao del Norte nga atimanon gyod ang i-refer niini nga mga kliyente.

Ang bag-ong Drug Testing Laboratory maoy bag-ong nadugang importanteng serbisyo nga gihatag sa Davao del Norte ngadto sa mga Dabaonon diin sobra 6,500 na ka mga tawo ang boluntaryong misurender sa pagpatuman sa Oplan Tokhang sa taga kapolisan ug Philippine Drug Enforcement Agency kun PDEA.


 

More Davnor Updates at

DavNor Karon

 

DavNor News