Gilaoman nga linibo ka trabahante ang makatrabaho tungod sa pagbukas niadtong Byernes, Hunyo 16, 2017 sa bag-ong Hijo Industrial Estates, accredited sa Philippine Economic Zone Authority kun PEZA.

Sa gipangutana kung pila ang trabaho nga gibana-banang mabuksan sa unang hugna sa pag-abri, matod ni Ms. Rosanna Tuason-Fores, ang Presidente ug CEO Hijo Industrial Estates nga linibo gyod ang kahigayonan ilabina kung ang negosyo maoy manufacturing.    

“When I interview some of the locators and when we talk about manufacturing, about 100 to about 400 jobs would be created for factory. It depends on what the factory does. . I would imagine that eventually 20,000 jobs for the first phase,” positibong tubag ni Ms Tuason-Fores.

Matod sab ni Speaker Pantaleon Alvarez nga dili lang ang pagbukas sa bag-ong industrial estates ang mag-abri ug dakong kahigayonan sa panarbaho kundili lakip na ang giplanong paghimo sa Davao Gulf Metropolitan Authority susama sa Subic Bay Metropolitan Authority sa Olongapo.

“Initial capitalization is P500M and it will be approve by seguro, before the second quarter of this year. . Try to imagine when you have locators; marami kang locators, you generate employment, you generate business, so one plus one, seguro equals two. . definitely,” tubag sa kongresista gikan sa unang distrito sa Davao del Norte uban ang pasiaw.

Ang Master Plan sa Hijo Industrial Estates nagpakita nga ang 760-ektaryas nga luna adunay gigahin alang sa mga lugar sa Leisure and Tourism estates, Residential estates, Information Communication Technology (ICT) campus, Telecommunication, Trucking ug ubang dapit sa negosyo nga matukoran sa mga bilding sa lain-lain nga gidak-on.

Bukas na sab ang mga luna niini alang sa pagpalit o kaha alang sa “lease” diin ang unang locator nga kompaniya, La Filipina mipalit ug pito ka ektarya.

Gawas sa bag-ong gibuksan nga proyekto, sulod na sa daghang katuigan nga nakig-alayon ang Hijo Estate Resources sa probinsyal nga kagamhanan sa Davao del Norte alang sa kalamboan.

Gipagamit niini ang iyang luna nga magsilbing “bike lane” nga agian sa mga atleta alang sa MUSA MAN TriDavNor Triathlon nga sugdan karong Sabado, Hunyo 24 ingong usa sa mga haylayt sa pagsaulog sa ika-50 nga anibersaryo sa probinsya sa Davao del Norte.


 

More Davnor Updates at

DavNor Karon

 

DavNor News