Dako gyod ug pagsalig si Presidente Rodrigo Roa Duterte (PRRD) nga molambo pa ang probinsya sa Davao del Norte ilawom sa administrasyon ni Gobernador Anthony del Rosario.

Kini ang pahayag nga gibuhian sa Pamuno Nasod atubangan sa sobra 3,000 ka tawo niadtong Sabado, Hulyo 1, atol sa ika-50 nga kasaulogan sa probinsya diin siya ang guest speaker.

“Indeed, I believe that Davao del Norte under the command of Governor del Rosario will continue become the fastest growing province in Mindanao. With its vast resources and strong, resilient and vibrant people, the province will be able to achieve greater development at par with the nation,” masaligong pahayag sa Presidente nga milingi kang Gob Anthony.   

Uban sa kumpyansang pahayag sa pagdumala alang sa kalamboan, gipasalig ni PRRD nga madawat gyod sa Mindanao ang iyang angay nga bahin lakip ang Davao del Norte.     

“Rest assured, the government remains committed in fulfilling its promise in giving an equal share of the national wealth to Mindanao including Davao del Norte. Use the money to uplift the lives of your people and realize your great potentials,” pasalig ni Duterte nga gisugat ug paghugyaw gikan sa nanambong.

Gawas sa pasalig sa badyet alang sa kalamboan, gipangayo pod ni PRRD ang todo-suporta ni gob Anthony labot sa direksyon sa iyang administrasyon sa kusganong kampanya batok ilegal nga droga, korapsyon, kriminalidad ug terorismo.

“All I ask in return is that you remain committed on continuing war against the illegal drugs, corruption, criminality and terrorism. We must remain steadfast and united against these schemes that threatened the existence of the way of life,” prangka nga pahayag ni Duterte nga gisugat ug yango (nod) ni Gobernador del Rosario isip pag-uyon.

Sukad sa iyang pagkahimong probinsya niadtong 1967, dako na kaayo ang kalamboan nga nakab-ot sa Davao del Norte nga gilangkoban sa tulo ka syudad sa Tagum, Panabo ug Island Garden City of Samal ug ang walo ka mga munisipyo sa Asuncion, Kapalong, New Corella, San Isidro, Talaingod, Braulio E. Dujali, Carmen, ug Sto. Tomas.

Giila karon nga numero 1 ang Davao del Norte nga prodyuser ug eksporter sa Cavendish nga saging nga nakaamot ug 70% sa katibuk-ang ekonomiya sa probinsya.

DavNor News