Gidayeg ni Department of Social Welfare Development Assistant Secretary Jose Antonio R. Hernandez ang “abante” nga programa sa Provincial Anti-Drug Abuse Council (PADAC) sa Davao del Norte alang sa mga boluntaryong misurender nga biktima sa ilegal nga droga kun VSR.

Gipakita sa PADAC Aksyon Gabay tungo sa Repormasyon-Information Management System (AGR-IMS) atubangan sa DSWD tem gikan sa kaulohan ang mga programa ilabina ang makuti nga Information Management System diin ang “klasipikasyon” nga Mild, Moderate, Severe ug Mentally-ill ug ubang hinungdanong impormasyon sa VSR mabatonan.

“It’s very comprehensive; very, very comprehensive. Nakaka-believe yung Davao del Norte,” pagdayeg ni Asec Hernandez kinsa miabot aron sab ipaila-ila ang programa sa DSWD nga Yakap Bayan Myerkoles, Hulyo 5.

Ang katuyoan sa programa nga Yakap Bayan maoy paghatag ug direksyon sa tanang maayong programa sa mga LGUs alang sa pagbalik sa mga VSRs1 sa katilingban ug dili ingon nga pulihan ang programa sa usa ka LGU.

“Ang mga LGUs may husay at kahinaan. Ang goal ng YakapBayan magbigay ng direksyon kasi ang daming mahusay na ginagawa. Kulang lang ng konting direksyon,” pasabot sa DSWD Assistant Secretary.

Gipasiugda sa DSWD nga angay usa lang ka porma ang gamiton alang sa pagtipig sa mga impormasyon, management of data, preliminary assessment ug ilabina ang pagtino sa Drug Dependency Evaluation (DDE) sa usa ka accredited doktor nga angay mahibaw-an pila ang gastos kada adlaw alang sa gidili nga droga ug kung kanus-a kini nagsugod. Ang DDE exam nga gihimo sa usa ka accredited physician ang magtino kung asa ibutang ang usa ka drug surrenderee diha man sa outpatient, facility-based o community-based nga rehabilitasyon.

“Hindi pwede deretso sila ng rehab, a DDE exam by an accredited doctor. Ang magsasabi lang ay ang DDE endorsed by the court either you undergo either the outpatient, the community-based treatment or facility-based,” padayong pasabot ni Asec Hernandez. .

Matod sa DSWD Asec nga ang surbi nagpakita nga 1-2% lamang sa mga drug surrenderees ang nagkinahanglan ug facility-based rehab ug iyang gisugyot ang disaster rescue and response nga programa sa gobyerno.

“Ang gagamitin po natin dito is disaster resiliency and response. Kasi po sa Mindanao, Visayas at Luzon, lahat ay tinatamaan ng disaster. Kung doon natin sila ihulma, hindi halata. Kahit patakbuhin natin sila okay lang kasi disaster training. Pero ang nakailalim sa program, dini-detox natin sila, binabalik natin yung physical conditioning nila. Binibigyan natin ng skills set, akala nila basic first-aid pero ang di nila alam nagkakaroon na sila ng malasakit sa kapwa nila. . habang tumatagal yan, lumalalim ang malasakit nila sa kapwa, sa community,” sugyot ni Hernandez.  

Sa bahin sa DavNor, matod ni Provincial Administrator Samson Sanchez nga sila andam kanunay sa pagpahiuyon ang PADAC sa Yakap Bayan alang sa dugang pagka-epektibo niini.

“I cannot see nga mahirapan on the part of the provincial government to dovetail and re-align our present AGR-IMS with Yakap Bayan. . On the part of the province we have the rehabilitation center . .  we also have the first-ever licensed drug-test laboratory. . we have the aftercare . . trained doctors,” matod ni PA Sanchez nga nakapasamot kang Asec Hernandez nga dayegon ang DavNor.

“Huwag pong itataba ng puso nyo. . . Halos kumpletong-kumpleto yung inyong components. You really are doing a good job. Kaunting-kaunting tweak na lang. . I-share nyo po sa August 10,” pagdayeg sa DSWD Asec uban ang sugyot nga ipakigbahin ang programa sa PADAC atol sa panagtigom nga himoon alang sa Yakap Bayan karong Agosto 10 adto sa Davao City.


 

More Davnor Updates at

DavNor Karon

 

DavNor News