Gisigurado sa National Food Authority kun NFA sa publiko nga walay dakong pruweba ang peke nga bugas na ginabaligya sa kasamtangan sa merkado sa Pilipinas.

Kini human nga gipahigayon ang adlaw-adlaw nga pag monitor sa sitwasyon sa rice market ug napamatuad-an nga wala gyo’y pekeng bugas bisan pa man sa probinsya sa Davao del Norte ug sa mga palengkeng sakop sa probinsya.

Bisan pa niana, dunay mga balita sa internet ug social media sa giingong peke o plastic nga bugas ang giimbestigahan sa NFA investigation and enforcement department. Gisugo sab sa NFA nasyonal ang mga field offices nga ipadayun ang pag monitor sa mga reklamo bahin sa maong balita sa ilang tagsa tagsang lugar.

“We have instructed our field personnel to go directly to the people who claim that they have purchased what they suspect as fake rice and get samples, rather than wait for them to come to our offices to file a complaint or bring samples,” sumala ni NFA administrator Jason Laureano Y. Aquino.

Gipahayag sab sa NFA administrator nga andam sila makig-atubang sa mga tawo nga tinuyo nga nagpahinabo sa alarma sa mga konsumante pinaagi sa pagkalat sa sayop nga impormasyon mahitungod sa plastik o peke nga bugas.

“We are warning these people to refrain from causing panic among our consumers because it is a criminal act punishable under our laws,” dugang ni Aquino.

Gilimod sab ni Provincial Agriculturist Dr. Anastacia Notarte nga adunay peke o plastic nga bugas sa probinsya sa Davao del Norte. Nagpahigayon sab ug random sampling and testing sa mga bugas sa palengke ang Provincial Agriculturist Office nga gidala sa laboratoryo sa NFA diin napamatud-an nga dili gyod kini peke.

“Being in the Provincial Agriculturist, na kami gayud ang naghandle sa production side sa atong bugas dinhi sa Davao del Norte. Ato gayud nang ideny na adunay fake rice dinhi sa DavNor. Where in fact, aduna tay gi sampolan na bugas sa usa ka kompanya na naghatag sa ilang giluto na bugas na mura pug plastic ang dagway,” saysay ni Notarte.  

Nagpahinumdum sab si Notarte na dili angay mabalaka ang mga katawhan sa Del Norte tungod sa “black propaganda” nga pekeng bugas.

Hinuon ilang giawhag ang publiko nga magmabinantayon ug magreport sa mga obserbasyon sa NFA kabahin sa bisan unsa nga dili kasagaran nga butang sa bugas nga ilang gipalit, sa hitsura, panimaho o lami, aron ang ahensya makapadala ug mga ahente sa pagpatuman sa tinubdan sa stocks ug samples nga mahimong makuha alang sa pagtuki sa laboratoryo sa Food Development Center (FDC) sa ahensya.


 

More Davnor Updates at

DavNor Karon

 

DavNor News