Himoong prayoridad ang pagpondo sa proyekto kung kini magdala ug dako, maayong epekto (impact) ngadto sa publiko. 

Kini ang tumong sa usa ka adlaw nga orientation sa tanang Project Monitoring Committees (PMCs) gikan sa tanang Local Government Units sa Davao del Norte kagahapon, Huwebes, Hulyo 20, 2017, nga gipahigayon diha sa DavNor Pavilion.

“Kining atoang ginahisgotan karon importante gyod ni kay mao ni ang bag-ong sistema sa pag-evaluate sa atoang mga projects. Kay sa una man gud basta mahuman ang projects ok na. . .Dili pod mahibal-an sa una kung aduna bay impact ang mga projects,” matod ni Gobernador Anthony del Rosario nga migahin gyod ug panahon bisan sa daghang eskedyul aron i-esplikar ang kaimportante sa maong kalihokan .

Tungod sa kalimitado sa pondo, dugang gipasibaw sa gobernador nga hinungdanon gayod ang dala nga kaayohan sa isa ka proyekto ngadto sa komunidad una pa kini mapondohan.

“Kabalo man gyud ta nga limitado gyod ang pondo, mao ni importante nga ang tanang proyekto dapat gyod mahibal-an kung unsay impact ani sa katawhan. . . That is why it’s very important under the administration of our President Duterte that every project must be evaluated based on results, based on impact, para matagaan gyod ug prayoridad,” dugang esplikar RDC XI Gobernador del Rosario ug kasamtangan sab nga chair sa RDCs Committees sa Mindanao.

Espisipikong gihisgotan sa RDC XI chairman ang first phase sa proyektong Mindanao Railway project nga magdugtong sa Tagum City padulong Digos City nga seguradong maghatod ug dakong kaayohan sa publiko hinungdan nga giprayoridad kini sa Presidente.

Matod ni DavNor Provincial Planning and Development Officer Engineer Josie Jean Rabanoz importante gyod kaayo ang Monitoring ug Evaluation sa tanang i-implementar nga proyekto sa gobyerno aron mahibal-an ang dakong kaayohan niini.

“Monitoring and Evaluation importante kaayo ni siya in terms of project implementation and in terms of looking into the impact of our project being implemented sa atoang province. . . Then we’re but after of the input and output level but now we are using the results-based monitoring and evaluation. So, kung mosulti nga results-based, we are after of the outcome and the impact of that particular project. . . Also makatabang ni siya as to prioritizing projects, programs and activities to be implemented. . So for programs that has big impacts in terms of economic development, mogawas siya nga pritority,” pasabot sa PPDO Officer sa Davao del Norte.

Gipahayag sab ni Engr Rabanoz nga ang usa ka adlaw nga orientation dugang maghatag ug kahibalo ug maglig-on sa mga PMCs nga mag-monitor ug mag-evaluate sa tanang proyekto nga gipondohan sa lokal nga gobyerno. Lakip sab ang mga proyekto nga gipondohan gikan sa laing nasod--ODA nga mga proyekto nga gigastohan sa World Bank, PRDP ug uban pa.


 

More Davnor Updates at

DavNor Karon

 

DavNor News