Nakadawat ug pagdayeg ang probinsyal nga kagamhanan sa Davao del Norte tungod sa iyang pag-implementar sa mga proyekto ilalom sa Philippine Rural Development Project kun PRDP.

Kini ang giluwatan nga pagdayeg ni Ms. Maria Febe Orbe, RPCO-XI Coordinator sa mga proyekto sa PRDP nga gipatuman sa rehiyon atol sa PRDP RPCO-PPMIU 2nd Quarter Coordination Meeting diin usa nga benepisyaryo ang probinsya.

“Kabalo ba mo’ng tanan nga ang Davao del Norte is the trendsetter for Davao Region for PRDP implementation. This is attributed of course sa mga aktibo nga miembro sa atong PPMIU. We have done so far, very, very far in terms of our PRDP implementations especially all the challenges, not only for I-BUILD but also for I-REAP,” matod ni Ms. Maria Febe Orbe, RPCO-XI Coordinator sa mga proyekto sa PRDP nga gipatuman.

“And during the 4th mission, implementation vision of PRDP, I also would like to inform everyone that the World Bank has rated PRDP ‘Satisfactory.’ Because Davao del Norte is the biggest contributor sa atong satisfactory implementation sa atong mga projects. Satisfactory rating is the highest rating nga makuha sa usa ka proyekto sa World Bank,” padayong pagdayeg sa RPCO-XI coordinator.

Ang PRDP maoy mga proyekto nga gipondohan sa World Bank ug aduna kini 4 ka mga components nga naglakip sa I-Plan, I-Build, I-Reap ug I-Support.

Hinuon matod ni Davao del Norte Provincial Planning Development Office Department Head Engineer Josie Jean Rabanoz nga dili gayod kalikayan ang mga babag sama sa padayong ulan nga makaapektar sa trabaho lakip na niini ang “gahian” mosunod nga kontraktor kung unsa ang naa sa plano.

“Gihimo nato ang tanan natong pwedeng ma-assist sa ilaha; naki-pag sit down na ta unsaon pag-solve ang kana nga problema, pero despite of that medyo nagmatigas gyod sila. So. .  go ta sa legal ways, legal means. Ato siya i-call na naman for the last time being the process tapos we’ll wait the instruction gikan sa national project coordinating office. Kay kita sa baba igo man lang ta nag-implement sa project nga funded sa World Bank. So we’ll abide with the policies of World Bank,” pasabot ni Engr. Rabanoz labot sa usa ka first timer nga kontraktor sa PRDP nga proyekto.      

Dugang sa DavNor PPDO Department Head nga sa kasamtangan adunay 6 ka mga proyekto ilalom sa PRDP nga padayong gi-implementar sa administrasyon ni Gobernador Anthony del Rosario: rehabilitasyon sa Capungagan-boundary San Miguel farm-to-market road; rehabilitasyon sa New Visayas-Binancian farm-to-market road; rehabilitasyon sa Sto. Niño-Igangon farm-to-market road; rehabilitasyon sa Poblacion Datu Balong-Purok Mamalian farm-to-market road; rehabilitasyon sa Poblacion Limbaan-Suawon-Macgum farm-to-market road; ug, rehabilitasyon sa Esperanza-Poblacion Sto. Tomas farm-to-market road.

Ang rehabilitasyon sa Little Panay-Katipunan-Kasilak farm-to-market road bag-ohay lang nahuman ug giplano na pag-turnover sa dili madugay.


 

More Davnor Updates at

DavNor Karon

 

DavNor News