“GRAND SLAM” Kalasag Awardee na ang Provincial Disaster Risk Reduction Management Council (PDRRMC) sa Davao del Norte tungod sa tulo ka sunod-sunod nga nahimong First Placer sa Search for Excellence in Disaster Risk Reduction and Management and Humanitarian Assistance.
Wala hinuoy pasidungog nga “grand slam” sa rehiyonal nga lebel apan gikan pa niadtong tuig 2015, 2016 ug karong 2017 kanunay nanguna ang DavNor PDRRMC.
Matod ni Office of Civil Defense (OCD) Regional Director ug Regional Disaster Risk Reduction Management Council (RDRRMC) chairperson retired Brig Gen Leoncio Cirunay nga ang pagkapili sa Davao del Norte gibase sa upat ka thematic areas.
“Yung kanilang mga response activity sa 4 thematic areas: Sa Prevention and mitigation, sa Preparedness, sa Response at saka sa Recovery. Kasama na din yung equipment, pati yung skills, training ng mga responders. . . gumawa tayo ng grupo, a team of evaluators kung saan pinupuntahan sila at tsine-tsek yung kanilang kakayahan,” pasabot sa sa RDRRMC chair.
Dugang gipasabot sa OCD XI direktor nga dikit gyod ang kompetisyon sa mga probinsya sulod sa rehiyon.
“Actually yung Davao del Norte sa ngayon sila nangunguna pero yung ibang probinsya ay sumusunod din naman. Kaya mahigpit yung labanan,” dugang pagtug-an ni Cirunay.
Sa mensahe nga gipadala ni OCD Administrator ug Executive Director sa NDRRMC USec Ricardo Jalad nga gihatag pinaagi ni OCD Director Rodrigo Diapana, iyang gidayeg ang mga paningkamot sa mga DRRMCs nga nakahatag ug dako kaayong tabang sa mga nahimong biktima sa natural ug hinimoan sa tawo nga kalamidad.
“You are heroes, kayo po na walang sawang tumutulong at sumusuporta sa ating programa. . . The disaster that you have face remind us of the Philippines’ unique situation as one of the world’s most vulnerable countries to national hazards. . Ang atin pong mamamayan ay nangangailangan ng masasandalan, makakapitan sa oras ng kalamidad,” matod sa mensahe sa Under Secretary sa OCD.
Tungod sa maong kadaugan, ang Davao del Norte PDRRMC mao ang morepresentar sa Rehiyon XI sa nasyonal nga indigay sa probinsyal nga lebel.
