Mission Accomplished dihang gitapos sa hiniusang team sa Davao del Norte SP Committee on Ways & Means, Provincial Assessors Office ug Provincial Treasurers’ Office ang sunod-sunod gipahigayon nga public hearing alang sa pag-usab sa 2017 Schedule of Market Values sa butang nga angay buhisan.

Gisugdan niadtong Agosto 15, 2017 didto sa New Corella, ang grupo mipadayon sa Asuncion (Agosto 16), Braulio E. Dujali ( Agosto 17), Talaingod (Agosto 18), San Isidro (Agosto 22), Sto. Tomas (Agosto 23), Carmen (Agosto 24 ug nahuman niadtong Byernes (Agosto 25) didto sa lungsod sa Kapalong. Ang probinsya walay madawat nga bahin sa nakolekta nga buhis gikan sa mga component cities sa Tagum, Panabo ug IGaCos.

Matod ni DavNor Provincial Assessor Engr Joyce T. Gualberto nga base sa mga Memorandum Circulars sa DILG ug BLGF, ang matag munisipyo magpahigayon ug pagrebisar kada tulo ka tuig sa schedule sa market values diha sa mga kabtangan nga angay buhisan.  Ang rebisyon nga gipahigayon niadtong 2014 moepekto hangtod na lamang sa kataposan sa 2017 ug ang pag-usab niining tuig 2017 i-implementar alang sa mga tuig 2018 hangtod 2020.     

Sa walo ka munisipyo diin gihimo ang public hearing, walay na-rekord nga pagsupak labot sa giplanong kausaban nga magpataas sab sa buluhisan. 

“Actually walay oposisyon, more on misinformation. . .  With regards to real property, almost all ok ang response,” matod ni Board Member Alfredo de Veyra III, ang chairman sa Committee on Ways and Means.

Gamay ra sab ang gitubo nga madugang sa bayarang buhis.

“Gamay ra gyod kaayo ang gipasaka nga porsiyento. More or less naay mga P200 lang. Mag take effect sa 2018,” pasabot ni BM de Veyra sa increase sa buluhisan nga magdugang sa katakos sa probinsyal nga kagamhanan alang sa serbisyo sosyal ngadto sa publiko. 

Nanawagan ang chairperson sa Komitiba sa Ways & Means nga suportahan ang mga programa sa lokal nga kagamhanan pinaagi sa pagbayad sa buhis sanglit obligasyon kini ingon nga usa ka Pilipino.

“Let’s be prompt on paying our taxes kay mao ni siya atoang obligasyon nga atoa gyod ni siyang bayaran as Filipino citizens,” panawagan ni de Veyra sa tanang Dabaonon nga nagpuyo sa probinsya.

Ang buhis giisip nga “dugo” sa usa ka gobyerno aron padayong mahatod ang serbisyo ngadto sa publiko.


 

More Davnor Updates at

DavNor Karon

 

DavNor News