“YUNG dairy and cattle para nutritional. . . . Nutrition wise, doon tayo. And what is good may programa na si gob. It’s a matter of i-enhance natin, i-expand natin. . With the good performance ng ating mga provincial (officers) natin, kayang-kaya po yan,” matod ni Department of Agriculture OIC Regional Director XI Engr. Ricardo Oñate, Project Director sa Provincial Road Development Projects (PRDP) sa Mindanao area atol sa Assessment of the Institutionalization of Commodity Investment Plan (CIP) Martes, Septyembre 19, 2017 didto sa DavNor Pavilion.

Ang PCIP maoy gitun-an pag-ayo nga plano nga naglakip sa mga interbensyon apil ang “Value Chain Analysis” sa usa ka produkto nga giisip nga importante kaayo sa usa ka probinsya aron makaamot ngadto sa nasyonal nga tumong sa agrikultura ug pangisda nga sektor.

Ang DavNor adunay 10 ka PCIPs alang sa 10 ka produkto nga naglakip sa cacao, banana (cardava), cassava, coconut, coffee, durian, mangga, oil palm, rubber ug abaca. Gani aduna pa’y laing tulo ka mga produkto nga himoanan pa ug PCIP-- ang kanding (Chevon), swine ug bangus.

Gikalipay ni Gobernador Anthony del Rosario ang maong ideya sa pag-pil sa DavNor Gatas PCIP aron kini mahatagan ug eksaktong pagtagad sanglit ang gatas tinubdan sa kahimsog nga gikinahanglan sa lawas.   

“Naa man silay pondo nabilin under sa ilahang I-REAP program. . usa man gyod sa atong gitan-aw is the improvement of our dairy facility diha sa New Corella. . Ato gyod nang tutokan para makuha nato ang maong pondo,” pag-agda sa gobernador sa tanang opisina sa DavNor Kapitolyo nga langkit aron mapatuman ang usa ka PRDP project.  

Matod ni Engr. Josie Jean Rabanoz, department head sa Provincial Planning Development Office, ang focal coordinating office sa PRDP, nga sa pagka karon naa na’y dairy project sa probinsya nga kinahanglan na lamang palamboon. 

“Naa ta’y dairy farm karon diha sa New Corella, tapos naa ta’y processing for the dairy milk, . . hopefully mo-prosper ang atoang program dire sa Davao del Norte, “ matod ni Engr. Rabanoz kinsa nalipay pagkasayod nga ang DavNor mao ang best PCIP sa Mindanao ug maoy mo-representar ngadto sa nasyonal Search.

Ug bisan si Gob del Rosario, nalipay sa nakab-ot nga dungog sa probinsya tungod ug alang sa kaayohan sa mga mag-uuma.

“Of course we’re proud na kita gyod ang napili nga contender for the national award, and we are the contender coming from Mindanao. Kita dire sa Davao del Norte we’re very proud na kita gyod ang gipili tungod gyod na sa atong mga programs nga atong gihimo alang sa mga farmers especially sa atong cacao business. .  hinaut unta kita gyod ang makadaog para mas lingaw ug mas lami pa,” matod ni Gob del Rosario.

DavNor News