ARON mapadako ang luna nga gitamnan sa humay, usa ka irrigation dam nga may 180 metros ang giladpon ug 2.5 metros ang giladmon ang tukoron didto sa Barangay Cabidianan, New Corella, Davao del Norte.

Target nga humanon ang proyekto sa tuig 2018 sumala sa gibutyag atol sa usa ka stakeholders’ forum nga gipahinabo didto sa Barangay Carcor, New Corella nga gitambongan pa mismo ni administrador Retired General Ricardo Visaya sa National Irrigation Administration (NIA).

“The National Irrigation Administration is a Government-Owned Controlled Corporation. The primary mandate is to develop, manage irrigation all over the country. .  In Davao del Norte there are 5 National Irrigation System (NIS) and 12 Communal Irrigation System (CIS),” matod ni NIA RXI Manager Engr. Jimmy Apostol nga nagpasabot nga ang NIS maoy irigasyon nga nagserbisyo sa sobra 1,000 ka ektaryas humayan samtang ang CIS maoy ubos sa 1,000 ektaryas.

Ang mga NIS ug CIS asosasyon sa mga irrigators sa Davao del Norte maoy pulos aktibo hinungdan sab nga ang probinsya gigahinan ug pondo aron i-rehab ang daan nga mga canal gawas pa sa laing tabang teknikal nga gidayeg pag-ayo sa NIA regional manager.

“There are 78 irrigation association under NIS, CIS are 10 irrigation association and one hundred percent organized, are functional, aktibo, rehistrado, nakig participate irrigation system and facilities. . . most irrigation association are Outstanding and Very Satisfactory, most Irrigation Systems are outstanding. . viable tungod kay aktibo nag-implement sa mga programa, mga palisiya,” dugang pagdayeg ni Engr. Apostol.

Matod ni Engineer Cornelio Bautista, Jr., Division A Manager Davao del Norte Irrigation Management Office nga ang gitarget humanon sa tuig 2018 nga proyekto makapatubig ug dugang basakan nga 980 ektaryas sanglit ang mga kanal himoon ug paaboton sa Poblacion New Corella.

Gisugdan na ang paghimo ug pag-ayo sa karsada padulong sa dam gikan sa silingang barangay Sto. Nino gamit ang 2016 budget nga P50M. Karong tuiga, gipadayon ang pagtrabaho ug dugang karsada gamit ang gamay’ng gahin sa 2017. Gawas sa patubig, mahimo usab kining dapit kalingawan diin giplano na sa administrasyon sa New Corella ang pag-develop sa lugar ug pagbutang ug mga cottages.

Matod ni NIA administrador Retired General Ricardo Visaya nga angay lang gayod gamiton sa bug-os ang proyekto sa hydro-power ug turismo alang sa kalamboan

“One of the projects na ginagawa ng NIA ngayon is to optimize the dams or the reservoir. . Hindi lang dapat gamitin for irrigation but kahit sa hydro power pwede nating magamit. . hindi nababawasan ang tubig na para sa irrigation. . . nationwide meron tayong 357 dams that have potentials for hydro power. . Isang purpose why we have this stakeholders forum para sa partnership natin towards development,” pag-awhag ni NIA administrator Ricardo Visaya sa mga negosyante nga konsiderahon ang tubig ingong hinlo nga tinubdan sa koryente isip pagtubag ug aron mapaubos ang presyo sa koryente.

Gawas sa mga negosyante, nanawagan sab ang administrador sa NIA nga magtinabangay ang tanan lakip na ang mga LGU officials, contractors, mga mag-uuma alang sa kalamboan.


 

More Davnor Updates at

DavNor Karon