GIPASIBAW ni Gobernador Anthony del Rosario ang hugtanong suporta sa mga plano ug programa sa lain-laing sektor ilawom sa pagdumala sa Provincial Social Welfare Development Office (PSWDO) atol sa “multi-sectoral presentation of plans and meeting with the Governor” kagahapon, Huwebes, Enero 18 didto sa DavNor Pavilion.

Gipasalig sa gobernador nga sa paghatod sa gikinahanglang serbisyo ngadto sa mga Dabaonon, ipatuman gayod sa iyang administrasyon ang slogan nga “Abilidad at Malasakit” kun “AMA” diin ang PSWDO maoy usa sa pangunang ahensya aron maabot ang tanang sektor sa tibuok Davao del Norte.

“The PSWDO is tasked to be the driving force of government services that will empower the members of the disadvantaged sectors. . Ang PSWDO, and of course sa mga counterparts sa matag syudad ug munisipyo ang unang duolan sa katawhan sa panahon nga sila magkalisod. . We should, we should meet their pleas with warmth and understanding. . Mao ni ang dagway sa “Malasakit” sector. If you recall, our slogan is Abilidad at Malasakit dire sa Kapitolyo or for short “AMA.”. With that, I hope that our social workers will show empathy and humanize emotion when facing people,” mensahe ni Gobernador del Rosario nga unang gitumong sa mga social workers.

Sa unang panagtigom sa mga sektor sa Persons With Disabilities (PWDs), Empowerment and Reaffirmation of Paternal Abilities Training (ERPAT), Child Development Workers (ECCD Workers), Senior Citizens ug mga Batan-on, iyang gipasalig nga bisan sa limitado nga pondo, paningkamotan gayod niini ang angay’ng unahon nga mga programa.

“I’m almost 1,000% sure ang inyohang mga plano taas-taas gyod na. Daghan mo’g mga plano gustong buhaton, di ba. And I hope we will realize nga dili man ta superman dire. We will just have to prioritize kung unsa man gyod ang kinahanglang buhaton sa mga sektor. But rest assured the province of Davao del Norte is 100% supportive sa atong mga sectoral programs, despite the fact nga limitado ang pondo nato and we will try our best to accommodate whatever plans that you might have in your particular sector,” pasalig ni Gob Anthony atubangan sa lain-laing sektor.

Gipasibaw sab ni PSWDO department head Ms. Arlene Semblante nga ang tanang sektor makadawat gyod ug pag-atiman sa probinsya.

“You are all well-loved by our province of Davao del Norte, by the honourable governor. . Pinaagi sa inyo, you are the voice of your sectors. . for the development para sa gigunitan ninyo nga sectors. Kay gusto ninyong i-fight ang ilahang right, kay gusto ninyo ipasibaw dinhi kanamo tungod kay ang local social welfare mao ma’y gi-tokahan sa atong provincial governor, the local chief executive to do the task for the welfare and development sa inyohang respective nga sector,” matod ni Ms. Semblante uban ang pasalamat sa mga mitambong.

Gilaoman nga human sa miting, madesisyonan unsa ang angay’ng unahon pag-implementar nga programa alang sa mga senior citizens, PWDs, ECCDs ug mga batan-on.


 

More Davnor Updates at

DavNor Karon

 

DavNor News