DavNor Provincial Retirees nagtapok sa 7th general assembly

NAGTAPOK ang mga membro sa Provincial Capitol Retirees Association (PCRA) alang sa ika-7 nga general assembly Myerkoles, Marso 21.

Wala gayod pasagdi sa probinsyal nga panggamhanan ni Gobernador Anthony del Rosario ang kanhi mga empleyado sa DavNor Kapitolyo ug gitugotan nga magtagbo diha sa bag-ong DavNor Pavillion sulod sa Sports Complex aron ipahigayon ang ilang programa dayon piniliay sa bag-ong mga opisyales. 96 ang mitambong sa 176 aktibong miembro sa asosasyon.   

“Bisag wala na sila sa government service ma-reminisce nila ang mga panahon nga dire pa sila ug at least ma-refresh pod sila. Ing-ana ka-importante sila sa kasingkasing ni Gob RDR, gisumpayan na ron ni Gob Anthony,” matod ni Provincial Human Resource Management Office (PHRMO) department head Ms. Monica L. Salido.

Dugang pahayag sa hepe sa PHRMO nga bisan sa limitadong pondo, apil gayod sa budget sa probinsyal nga panggamhan ang ilang mga kalihokan.  

“Ang budget sa ilang activities gi-provide ni Gob, pero limited ra pod. Ang general assembly, ilahang medical check-up. . ang among office didto gi-channel ang budget ani, limited ra, 200 thousand ra. Amo nang gibahin-bahin. Naay pagkaon nila, monthly naa sila’y meeting, unya naa po’y medical check-up. Mao nang nag-coordinate mi sa PHO ug sa PEEDO, sa mga doctors ug sa mga medicines,” pagklaro ni Ms. Salido.

Wala hinuon madayon ang medical check-up kagahpon atol sa ika-7ng general assembly sa mga retiradong empleyado sanglit nagkinahanglan kini ug dakong lugar alang sa ilang gidaghanon. Hinuon gipasabot sa PHRMO department head nga madayon gayod ang paghatag sa medical nga serbisyo sa dili madugay uban sa pagpahibalo sa mga bag-ong napili nga mga opisyales sa PCRA.


 

More Davnor Updates at

DavNor Karon

 

DavNor News