200 ka SPES giandam para trabaho

GIANDAM na ang 200 ka mga estudyante-empleyado ubos sa Special Program for Employment of Students (SPES) pinaagi sa pagpailawom kanila sa “orientation” alang sa 20 ka adlaw nga trabaho Byernes, Abril 13, 2018 didto sa DavNor Pavillion.

Ang mga SPES grantees maasayn diha sa lain-laing opisina sa DavNor Kapitolyo ug mga Local Government Units (LGUs) sa probinsya sa Davao del Norte nga magsugod tunga-tunga sa bulan sa Abril hangtod sa Mayo.

“It is our great mission to provide as many opportunities possible for everyone. . Born out of this desire is the SPES, which enables deserving students and out of school youths to continue their education by providing them additional financial assistance. . Aside from the salary you will receive, the experience will go beyond, exposing you in a government office setting. It is also an opportunity for you to demonstrate your talents and skills in the field of public service,” matod sa mensahe ni  Gobernador Anthony del Rosario nga gibasa ni Executive Assistant Nemeses Nuñez.

Ang mga estudyante-empleyado modawat ug P453.68 sa walo ka oras nga trabaho sa usa ka adlaw diin 60% (P272.21) niini ang bayaran sa probinsya samtang ang 40% (P181.47) abagahon sa Department of Labor and Employment (DOLE).

Si Steven nga kaduha na nahimong SPES mapasalamaton gayod sa oportunidad nga iyang nadawat ingong SPES grantee.

“Happy, wa ko nag-expect kay daghan ug applicants karon nga nag-apply. . Tong first nakong kuha gihatag nako kang Mama ug Papa. . gipalit pod nako ug gamit ug nagpalit pod mi ug bugas,” matod ni Steven nga anak ug traysikel drayber taga Mangga, Visayan Village, Tagum City.

Si Marifel nga taga Talaingod nalipay sab nga nakuha pagbalik ingong SPES grantee.

“Thankful kaayo kay natagaan mi ani nga opportunity kay makatabang ni kaayo sa among pag-eskwela,” pahayag ni Marifel nga mag-Grade 11 na sa ting-abri-eskwela ug anak sa kanhi OFW nga nawad-an ug trabaho.  

Ikaupat sa 6 ka anak sa usa ka mag-uuma ug yano nga asawa, mapasalamaton kaayo si Charice Portugalisa nga taga New Loon, Asuncion sa kahigayonan nga nahimong estudyante-empleyado sa tumong nga gamiton sa pag-eskwela ang madawat nga sweldo.

“Sa akong pag-eskwela . .  Lipay kay ka-experience,” matod ni Charice nga gigahin na daan ang iyang madawat nga sweldo alang sa iyang pag-eskwela sa pag-abri sa klase karong Hunyo.

Atol sa orientation, gitudloan ang mga SPES grantee sa angay’ng pamatasan ug bisan sininaan sulod unya sa ilang 20 ka adlaw nga trabaho diha sa DavNor Kapitolyo.


 

More Davnor Updates at

DavNor Karon

 

DavNor News