DIDTO na sab sa Asuncion, Davao del Norte gihatod ang halos usa ka gatos lain-laing serbisyo dala sa BEST PEOPLE Festival Caravan of Services gikan Abril 23-27 diha sa barangay Concepcion.

Ilawom sa BEST PEOPLE development agenda, katuyoan sa administrasyong Gobernador Anthony del Rosario nga ipaduol ang mga serbisyo aron makadaginot ug kwarta ingon man panahon ang mga Dabaonon ilabina kadtong atua sa hilit nga lugar.

 “Kining atong activities karong next 5 days gidala gyod namo ang tanang serbisyo sa provincial capitol dinhi sa barangay Concepcion para dili namo kinahanglan nga mogastos ug dako nga kwarta para lang moadto sa Kapitolyo, kay layo-layo baya ning barangay Concepcion. . Ako nalipay kay daghan ang mianhi karong buntag,” matod ni Gobernador Anthony del Rosario atol sa pagbukas sa lima ka adlaw nga piyesta sa mga serbisyo nga malipayong gisugat sa liboan ka mga residente gikan sa Barangays Sagayen, Concepcion, Pamacaun, New Loon, Napungas ug bisan sa laing lagyong barangay.

Inubanan sa gikinahanglang empleyado, ang tanan regular nga mga serbisyo sa DavNor Kapitolyo uban sa pipila ka mga nasyonal nga ahensya sa AFP, PNP, Provincial Prosecutors Office, TESDA, PAO, LTO, DSWD, DFA, PSA, COMELEC, DENR, DA, DRMC ug DOH kauban ang serbisyo sa munisipyo sa Asuncion, tanan nagtambayayong aron ihatod ngadto sa nahisgotang lumulupyo ang daghang serbisyo lakip na ang mga lectures sa kampanya kontra illegal nga droga.

“Dako kaayo ko’g pasalamat nga sa ikatulong higayon ang caravan of services dinhi sa Concepcion gipahitabo.  Si Governor del Rosario iyang kalipay nga iyang makita ang taga Asuncion ug ang taga Davao del Norte labina kadtong mga pobre nga malipayon pod. Kaming mga officials naningkamot, nihago mi ug anhi para i-deliver ang mga serbisyo nga inyong gikinahanglan. Dili na mo moplite, moadto ug mga ospital, di na moplite moadto ug Kapitolyo kay ang mga serbisyo kumpleto, naa na dire tanan sa Asuncion gihatod sa atong governor,” matod ni Asuncion Mayor Eufracio Dayaday, Jr. nga gikuyogan ni bise mayor Joel Camello, Konsehales Edgar Castillo, Silvino Matobato, Jr., Alan Monteroso, Concepcion Kapitan Bual ug mga kapitanes sa upat pa ka barangays.

Sama sa nangaging BEST PEOPLE Festival of Services, daghan ang midugok sa serbisyo alang sa panglawas bisan kung daghan kaayo ang kapiliang serbisyo.


 

More Davnor Updates at

DavNor Karon

 

DavNor News