ARON matutokan ang suliran sa mga batan-on nga mahimong inahan, gibuksan sa Davao Regional Medical Center ang Adolescent and Youth Wellness Clinic niadtong Huwebes, Mayo 19.
“So to speak, public health becomes the arm of this hospital to reach out and extend the service of the hospital bringing along with all other programs intended by the department to be accessed and to be of service to those in need,” matod ni Dr. Venancio Ang, ang Public Health Department head sa DRMC ug usab ang incharge sa maong programa.
Gipasabot ni Dr. Ang nga ang bag-ong gilusad nga klinika maoy magpokus sa mga “adolescents” o ang gitawag nga mga bata-bata pa nga nahimong inahan nga ubos sa hamtong nga edad.
Labot sa ilang panuigon, giisip sa taga medical nga departamento nga ang mga adolescents mao kadtong adunay pangedaron gikan sa 10 hangtod sa 18 ka tuig ug 364 ka adlaw samtang ang batan-on maoy gikan sa edad 10 hangtod sa 24 ka tuig nga angayan dili usahon ang pagklasipikar kanila.
Dugang ni Dr. Ang nga sumala sa World Health Organization (WHO), 70% sa mga sakit sa mga batan-on nagsugod samtang anaa pa sila sa adolescent nga yugto. Ug usa sa napulo ka mga pagbuntis ingon man ang dala nga mga impeksyon sama sa HIV nahitabo sa mao nga mga pangedaron nga mahadlok pag-ayo
motug-an sa ilang tinuod nga kahimtang.
Gihisgutan usab ni DOH XI Director Dr. Abdullah B. Dumama, Jr. nga ang edad 15-24 anyos naglangkob sa 19% sa katibuk-ang populasyon sa Pilipinas diin 5% niini maoy gikan sa Davao Region ug 37% sa mga batan-on maoy uyon sa sayo nga pakigsekso.
“The latest report of the young adult fertility and sexuality in 2013 saw 37% of the young people say it is acceptable to engage in early sexual encounter. In addition, based on the data of the Department of Health XI, 15.6% of these who delivered are between the ages of 15 and 19,” saysay sa DOH XI Director nga ang gidaghanon nakapabalaka kanila ilabina ang pagtaas sa pagkamatay sa mga inahan ug sa mga bata panahon sa panganak nga naghimo sa Davao Region nga pinakataas sa mortality rate sa tibuok nasod.
Giisip ni Dr. Dumama nga ang pagbutang sa klinika alang sa maong katuyoan, maoy angay lang gayod aron mamenosan ang mga suliran.
Ang bag-ong gibuksan nga DRMC Adolescent and Youth Wellness Clinic nagtanyag ug mga serbisyo sama sa medical consultations, pre ug postnatal nga pag-atiman, Obstetric ug Gynecology nga pag-atiman, Regular Check-up, Ultrasound, Pap Smear, Colposcopy, Pediatric Immunization Package ngadto sa mga bata ug batan-ong inahan, Pediatric medical care: Well baby Check-up, immunization, newborn screening, hearing screening, ROP screening, neuro developmental screening, Psychological risk assessment and guidance, Family planning nga pag-atiman ug bisan ang Teen Mother’s class.
Ang numero 0999-955- 0064 maoy bukas alang sa dugang kasayoran. (pio DavNor)
