PORMAL na nga gibuksan ang mga kalihokan nga mohatod sa ika-51ng anibersaryo Araw ng Davao del Norte karong Hulyo 1, 2018 pinaagi sa pagpaila-ila sa 17 ka kandidata sa Bb. DavNor 2018.

“With the presentation of the 17 lovely candidates for our Binibing Davao del Norte 2018, we are now officially kicking off the activities we set for our month-long celebration of the 51st Araw ng Davao del Norte. These finely selected Binibinis will visit all the cities and municipalities in the province through the staging of the Tour DavNor, where they will equally have the chance to showcase the best features of their respective LGUs,” pahayag ni Gobernador Anthony del Rosario atol sa Convocation program kagahapon, Lunes Mayo 7 didto sa RDR Gym, Probinsyal Kapitolyo.

Kahinumduman nga sukad gibalik ang Bb Davao del Norte pageant sa miaging tuig 2017, ang midaug nga si Ms. Mary Joy de Castro sa Tagum City maoy nagrepresentar sa probinsya alang sa search sa Bb Pilipinas ug nakasulod hangtod sa top 20.

Gawas kang Ms. Castro, ang 2017 Bb DavNor 3rd runner-up nga si Myrell Martinez ug 4th runner up nga si Princess Faye Fernandez nakig-indigay sab alang sa Ms. Earth 2018 nga titulo.

Kumpyansa hinuon si Gob Anthony nga mahimong molabaw ang makab-ot nga kalamposan sa mga kandidata sa Bb DavNor 2018.

“We take pride of the Bb. DavNor 2017 batch led of course by its winner Ms. Mary Joy De Castro, who successfully landed as top 20-finished in the country’s most prestigious beauty pageant Bb. Pilipinas. But I will tell you, looking at the 17 ladies earlier, morag naga-improved gyod ang atong mga candidates. We hope that they will do better,” pagdayeg sa Gobernador sa 2018 nga mga kandidata.

Ang tanang LGUs sa probinsya adunay representasyon alang sa Bb DavNor 2018: Diune Andrea O. Bacena ug Andrea Jill G. Paraguas (Tagum City); Darlene Paula C. Dichoso ug Dixie Shaira H. Castrodes (Asuncion); Steffany C. Bazar (San Isidro); Jiah D. Cadiz ug Brigitte Flor C. Mercene (New Corella) Nikki Louise O. Tan (Kapalong); Lesley Anne E. Ticaro (Talaingod); Jofi Rila C. Palabrica ug Meryl Joyce D. Sepe (Sto. Tomas); Yvette V. Moral (Braulio E. Dujali); Kathlyn Camille Y. Lee ug Larieben L. Taraboc (Carmen); Eloisa Monique P. Yepez ug Mereylyn T. Zapanta (Panabo City); ug, Darl Edith Rose B. Minaling (Island Garden City of Samal).

Gawas sa Bb. DavNor 2018 pageant, ibalik sab ang Musa Man Tri-DavNor race. Sa 2017, si Kim Atienza ug Gretchen Fulido maoy pipila sa daghang artista nga misalmot sa lumba sa langoy, bisikleta ug dagan. Alang sa 2018, kumpirmado na ang pag-apil ni Matteo Guidicelli ug gipaabot sab ang kumpirmasyon sa pagsalmot ni Piolo Pascual.

Ingong agrikultural nga probinsya, dili mawala ang puno sa teknolohiya nga mga kalihokan sa Agri-Tourism fair gawas pa sa mga kalingawan nga Hudyaka sa Kapitolyo, ang bag-ong “Basta DavNor Sikat” ug ang matag gabii nga presentasyon sa local nga mga talento.

Sa ika-51ng Araw ng DavNor, madungog sab ang “Ulat ng Pagbabago” ni Gob AGR, masaksihan ang ‘Alay DavNor Walk,’ ug ang BEST PEOPLE Festival of Services.

Atol sa programa sa ika-51ng anibersaryo, gi-atangan sab ang pagbisita ni Davao City mayor Inday Sara Duterte.

DavNor News