KARON pa lang gipangandaman na ang ika 51 Araw ng Davao del Norte karong Hulyo 1, 2018.
Gipadayag sa mga Assistant Department Heads sa Provincial Administrator’s Office (PAdO) Ms. Evelyn Cortes-Bulaga ug Engr. Darryl Ayado sa Provincial Agriculture Office (PAGRO) ang mga nakalinya nga kalihokan alang sa ika 51ng anibersaryo sa probinsya atol sa Kapihan sa Kapitolyo, Huwebes, Mayo 17.
Gawas sa naplastar na nga mga komitiba, daghang mga kalihokan ug pa-contest ang nakalinya na.
“Duna ta’y mga nagkalahi-lahing komite. Atoang ‘facilitating’ gipangunahan ni Sir Sammy Sanchez, atoang Provincial Administrator. . iyang i-facilitate para mapaabot tong mga activity nga nanginahanglan. . Duna ta’y daghan kaayong events nga pahitaboon. . opening, fireworks display, Alay DavNor Walk and Anniversary programs, Search for Bb DavNor 2018, Sports and recreational activities, nightly entertainment, Basta DavNor Sikat, Musa man triathlon, Ulat ng Pagbabago, Hudyaka, Trade & Tourism Fair and DavNor products promotions ug uban pa. . Daghan kayo ta’g paaboton para ni sa pagpasiugda sa atong 51st anniversary,” matod ni Ms. Cortes-Bulaga
Ingong agrikultural nga probinsya, gipangunahan sab sa PAGRO ang mga aktibidades nga naglangkit sa mga abot sa Davao del Norte.
“Actually ang preparations nato sa Kadagayaan Festival, usa sa mga dagkong event sa pagselebrar sa 51st Araw ng Davao del Norte, isip paghatag nato’g tribute being an agricultural province. . Duna kita’y mga booth display. Kini siya nahimong contest. Ang tanang Local Government Units maghimo ug display sa ilang mga produkto sa atong agri-fair. . diha sa sports tourism complex . . diin gihatagan ug emphasis ang ilang One-Town-One-Product, mga produktong naa sa ilang munisipalidad ug syudad. Duna pa gyod ta’y mga booth para sa commodity councils sa Durian, Cacao, Mangga, Rice, Corn, Vegetables, Fishery Products, Banana,” pasabot ni Engr. Ayado nga ang 9 ka mga commodities aduna sab 9 ka mga booth nga mag-contest hain niini ang pinaka nindot.
Gibutyag sab ni Engr. Ayado nga ang “Pinaka” contest maoy gikahinaman sa mga mag-uuma sanglit panahon kini nga maipakita nila ang ilang pinaka-dako, pina-kabug-at ug pinaka-taas nga gulayon sama sa kalabasa, talong, balatong ug uban pa. Ug sa unang higayon, masaksihan sab sa mga Dabaonon ang “edible landscape” ug libre nilang tilawan ang gidayan-dayan makaon nga mga tanom.
Ang mga kooperatiba sa tibuok probinsya gi-cluster ug adunay booth diin maipakita nila ang ilang mga serbisyo. Aduna sab premyo nga naghulat niadtong pinaka-best dressed booth.
Dugang gibutyag sa duha ka mga assistant department heads nga ang mga serbisyo sa BEST PEOPLE Festival Caravan ni Gobernador Anthony del Rosario nga padayong nagahatod ug halos usa ka gatos nga serbisyo sa pagkakaron mabatonan sab sulod sa sobra semana nga pagtimaan sa ika 51ng Araw ng Davao del Norte.
Ang ika 51ng anibersaryo adunay tema “Bawat Araw May Biyaya ng Pagbabago.”
