Igangon Integrated School host sa Brigada Eskwela 2018

IGANGON, San Isidro, Davao del Norte--PROUD kaayo ang Igangon Integrated School nga napili ingong host sa pagsugod sa Davao del Norte division 2018 Brigada Eskwela.

Matod sa Igangon School Principal nga usa ka dakong oportunidad nga mapili nga mag-host sa BE 2018 sanglit hilit ug gamay ang ilang eskwelahan

“Pirmero, it is a challenge for us kay non-central school, small school, dire i-held ang kick-off ceremony entire Davao del Norte.  But the parent itself, the teachers, the Parent-Teachers association wala sila nag-take as a challenge. Para sa amo, opportunity nga mailhan nga duna diay Igangon Integrated School sa Davao del Norte nga nag-exist,” matod ni Principal Cresencio Gonzales nga mapasalamaton kaayo sa mga ginikanan, PTA, municipal government ug ilabina ang todo suporta sa LGU barangay Igangon pinaagi ni Kapitan Jesse Alcomendras.

Sa bahin sa probinsyal nga panggamhanan gidahom na kanunay ni Gobernador Anthony del Rosario ang usa ka semana tinuig nga kalihokan para sa kaayohan sa eskwelahan ug mga estudyante.

“Malipayon kaayo si Governor Anthony niining gipahigayon usa ka semana nga Brigada Eskwela diin ang kick-off dire gyod gipahitabo sa Barangay Igangon sa San Isidro, division-wide kick-off sa Davao del Norte. Anticipated kaayo ni Gob kay kada tuig naman ang Brigada Eskwela. . usa na siya nga hatag  ayuda para sa nagboluntaryo niining kick-off ceremony, kanang “Dalit Pamainit,”” matod ni sa Davao del Norte probinsyal Administrador Samson Sanchez gawas pa sa daghang materyales nga gi-donar sa probinsya.

Uyon sa tema sa 2018 Brigada Eskwela “Pagkakaisa Para sa Handa at Ligtas at Matatag na Paaralan Tungo sa Magandang Kinabukasan,” nanawagan sab ang gobernador pinaagi sa probinsyal administrador nga maghiusa alang sa pagkab-ot sa tumong nga kauswagan.  

“Tinuod gyod na kay ang key niining tanan, mga paningkamot, kanang gitawag unity; kahiusahan sa tanang stakeholders, paningkamot para ma-deliver ang basic services para sa katawhan. Kung walay kahiusahan dili gyod nato makab-ot. Unya ang ingredients niining kahiusahan kanunay gi-emphasize ni Governor nga dili lang nato hunahunaon ang pribilehiyo kung naa ta sa gobyerno kundili ang tugbang pod niini nga responsabilidad,” pasibaw nga pamahayag ni DavNor probinsyal administrador Sanchez.  

Matod sab ni Davao del Norte Schools Division Superintendent Dr. Josephine Fadul nga Brigada Eskwela Plus na karon ang tawag sanglit dili lang sa unang semana nagkinahanglan ug pag-atiman ang eskwelahan kundili sa tibuok tuig.  

“Gusto pod namo i-emphasize nga ang brigada is not just the entire this week. Gitawag na siya nga Brigada Eskwela Plus. Plus means the entire school year kay ang panginahanglan sa eskwelahan dili lang for one week,” pasabot ni Dr. Fadul.  

Labot sa maestra ug classrooms, matod sa DavNor SDS nga dili na kini problema karon.

“Adtong una dako kaayo na nga problema ang teachers. Sa pagkakaron we are proud to say nga ang teachers nato sobra-sobra. Karon nga school year duna ta’y 500 plus nga items both in the elementary and secondary, junior high school. Maka-consider gyod ta nga duna ta’y excess teachers, naay mga underload. . Basically kana nga component, teachers ug school building dili na kaayo na problema,” pahayag ni Dr. Fadul nga nagpasabot sab nga ang ilang gikabalak-an karon mao ang ulahi nga pag-abot sa mga learning materials.

Ang nasyonal DepEd nga programa Brigada Eskwela Plus gipahinabo aron dili na mabug-atan ug maapektohan ang pagkat-on sa mga estudyante sa tanang publikong tulunghaan.


 

More Davnor Updates at

DavNor Karon

 

DavNor News