Edukasyonal benepisyo gipahibalo sa GSIS, SS

GAWAS sa naandan daghang benepisyo gikan sa Government Service Insurance System (GSIS) ug Social Security System (SSS), aduna pa gyod kini edukasyonal benepisyo alang sa iyang mga miembro ug mga benepisyaryo.

Atol sa Kapihan sa Kapitolyo Huwebes, Mayo 31 nga may tema “Importance of Social Security of Workers in Government and Private Sector,” gipahibalo ni Ms. Kristine N. Aurelio, Staff Officer II sa GSIS, Tagum City ug Ms. Ana Liza B. Tulin, Senior Analyst, Accounts Management Section sa SSS, Tagum City ang mga benepisyo edukasyonal nga pwedeng madawat sa mga miembro.

“We have now the scholarship program until June 15 na lang. Every year naa ta’y gipaeskwela nga libre 400 scholars nationwide. . Magbayad si GSIS ug 20 thousand kada semester, every month naay 3 thousand nga allowance. Kung nakuha sa top 400 libre na siya, walay bayaran ang parents. Walay kinahanglan nga i-maintain nga grades aron dili ma-pressure ang bata para gyod makahuman ang scholar,” matod ni Ms. Kristine N. Aurelio nga nagpasabot nga alang sa Region XI aduna lamang kini allotment nga 70 ka scholars nga bahinon tali sa Kidapawan, Davao ug Tagum nga mga branches.

Ang mga GSIS miembro lamang nga permanente ug adunay dili moubos nga 36 ka bulan nga kontribusyon ang maka-avail sa maong scholarship, pinakaubos nga salary grade nga maglisod pagpa-eskwela sa kolehiyo.

Sa bahin sa SSS, matod ni Ms. Ana Liza B. Tulin, ang Senior Analyst sa SSS, Tagum City nga kadto lamang mga miembro nga ubos sa 25 thousand ang binulan sweldo ang pwedeng maka-avail sa education loan.    

“Good news sa mga members nga naa na’y contribution at least 36 months. Pwedeng maka-avail sa educational loan program. .ang 1-3 year course up to 10 thousand per semester, ug kun 4-5 year course pwede maka-avail up to 20 thousand per semester until nga mag-graduate sila,” matod ni Ms. Tulin uban ang pagpasabot nga dili kinahanglan mag-maintain ug taas nga grado ang estudyante kundili ang kontribusyon mao ang pinaka-importante.    

Gawas sa edukasyonal nga benepisyo, katuyoan sa duha ka dagkong ahensya nga mahatagan ug hustong proteksyon ang mga miembro ug mga benepisyaryo sa pribado man o sa gobyerno nga sector ilabina panahon sa panginahanglan sama sa pagsakit, manganak, disability, katigulangon ug bisan kamatayon.  

Dugang ni Ms. Tulin nga sa pagkakaron ang kusganong kampanya aron gayod marehistro ang tanan pribadong mamumuo sa SSS.

“Gipangusgan ang registration and coverage sa employers ilabina sa adunay negosyo nga ma-report ug ma-cover ang ilang mga trabahante. .  aron adunay makuhang benepisyo panahon sa panginahanglan dili lang sa pribadong sector kundili lakip na ang mga trabahante sa gobyerno labina alang sa mga Job Order nga mamumuo,” dugang pasabot ni sa Senior Analyst sa SSS Tagum branch.  

Gawas nga makatagana ug ekselenteng serbisyo tumong sab sa GSIS nga hustong ma-satisfy ang mga m miembro sa angay’ng dawaton nga benepisyo.

“Provide excellent service . . ug ma-satisfy lakip na sab ang non-life insurance benefits sama sa fire, personal accident insurance and motor vehicle,” matod ni Ms. Aurelio gawas nga naghingalan sab sa makanunayon nga benepisyo sa social ug pinansyal nga naglakip sa Annual Pensioner Information Revalidation (APIR) ug GSIS Financial Assistance Loan (GFAL) alang sa taga DepEd nga miembro


 

More Davnor Updates at

DavNor Karon

 

DavNor News