PORMAL nga gibuksan ang bag-ong DavNor Pharmacy nga nahimutang sa Davao del Norte District Hospital sa Carmen niadtong Byernes, Mayo 27.

Ang bag-ong parmasiya magsilbing depositohanan sa mga tambal nga kinahanglanon sa tulo ka mga district hospital sa probinsya nga nahimutang sa Kapalong, Carmen ug Island Garden City of Samal kun IGACOS.

Samtang nagkahuman ang iyang termino, gipahimuslan pag-ayo ni Gobernador Rodolfo del Rosario ang kahigayonan pinaagi sa pagbilin ug mga handumanan sa padayong pagtagana sa gikinahanglan sa katawhan sa Davao del Norte.

“This DavNor Pharmacy shall be one of our keepsakes, so to speak. The inauguration of our pharmacy is an indication of our continuing concern to address the medical requirements of the people of Davao del Norte. For so long a time, our hospital zones are usually found wanting in terms of easily accessible, affordable and quality medicines for the patients. DavNor Pharmacy shall serve as the depot for all the medicinal needs of the three hospital zones,” matod ni gobernador del Roario sa iyang mensahe.

Iyang gipanghinaut nga modako ang bag-ong nabuksan nga parmasiya nga makatabang sa pag-establisar ug Botika ng Bayan hangtod na sa Botika ng Barangay.

“I wish that this pharmacy will soon grow and branch out to serve and help establish the Botika ng Barangay as well as Botika ng Bayan. After all, we have committed and we shall continue to provide
nothing but the best for the Dabaonons,” pagdasig sa gobernador ngadto sa nagdumala ug mga personahe sa Provincial Economic Enterprise and Development Office kun PEEDO. Sa kasamtangan ang Altomed Pharmaceutical, Davao Athena Drug & General Merchandise, Pink 24/7 Corporation, Justright Pharmaceutical, Sannovex Pharmaceutical Company, MMJS Pharmacy ug Steward Medical & Laboratory Supplies maoy mga suppliers nga andam magbutang sa ilang mga produkto sa consignment nga Sistema. (pioDavNor)