IPAHIBALO ni Gobernador Anthony G. del Rosario ang mga nahimo sa iyang administrasyon ngadto sa katawhang Dabaonon karong Lunes, Hunyo 25, 2018 sa 1:30 sa hapon didto sa RDR Gym labot sa mga kalamposan ug mga plano nga pagahimoon pa sa iyang unang termino uban ang C.H.A.N.G.E.

Ang C.H.A.N.G.E. nagpasabot ug Creating Headways in A New Governing Era (Paghimo ug mga Kauswagan diha sa Bag-ong Panahon sa Panggamhanan).

Ang CHANGE maoy dugang magpalig-on nga mapinadayonon sa gisugdan na 10-point B.E.S.T.  P.E.O.P.L.E. agenda pangkalamboan sa administrasyong Anthony del Rosario nga nagkahulogan ug Balanced Ecology, Enhanced Agri-Aquaculture, Sustainable Tourism, Transformative Leadership, Public Infrastructure, Education and Sports, Optimum Health and Social Services, Public-private partnership, Link to the World and Employment & Livelihood Opportunities nga gipatuman pinaagi sa Abilidad at MAlasakit o “AMA” (Competitiveness & Compassion) nga estratehiya bisan sa natad sa agrikultura.

Ang ‘Ulat ng Pagbabago’ i-presentar sab diha sa CHANGE nga porma: Challenge to do BEST (Hagit nga himoon ang pinakamaayo), Heart for PEOPLE (Kasingkasing ngadto sa katawhang Dabaonon), Accomplishment Highlights (Taho sa mga Kalamposan), National and Regional Recognitions (Mga nadawat nga Pasidungog gikan sa Nasyonal ug Rehiyon), Godly Governance (diyosnong pamaagi sa panggamhanan) ug Expansive Vision (halapad nga panglantaw sa umaabot) aron daling masabtan sa ordinaryong tawo.

Bisan kung ang probinsya daghang kalamposan sa miaging tuig (2017) nga gipamatud-an sa daghang pasidungog nga nadawat gikan sa nasyonal ug rehiyonal nga kagamhanan, ang kasamtangang administrasyon mas determinado pa nga mopadayon uban ang CHANGE alang sa mas maayo pa nga ipahitabo ug bisan sa pagdawat sa hagit nga mohimo ug mas labaw pa sa tanan niyang himoon diha sa 19 ka departamento sa DavNor Kapitolyo uban ang tulo ka district hospital sa Kapalong, Carmen ug Island Garden City of Samal.

Human sa Ulat ng Pagbabago sa gobernador, pormal nga buksan ang usa ka semana nga Kadagayaan Festival nga magpakita sa abundang abot sa Davao del Norte lakip na ang 10 ka produkto sulod sa Provincial Commodity Investment Plan kun PCIP nga naglakip sa cacao, saging, cassava, coconut, coffee, durian, mangga, oil palm, rubber ug abaca ug ubang produkto sa uma uban ang mga isda.

Ang usa ka semana nga Kadagayaan Festival tiklopan pinaagi sa pagsaulog sa ika-51 nga anibersaryo pagka Hulyo 1 kauban si Davao City Mayor Zara S. Duterte ingong guest speaker.


 

More Davnor Updates at

DavNor Karon

 

DavNor News