GAWAS sa pag-suplay sa gikinahanglang medisina sa tulo ka mga district hospital sa Kapalong, Carmen ug Island Garden City of Samal, ang DavNor Pharmacy buksan usab ngadto sa publiko.

Ang parmasiya giinagurahan sulod sa Carmen District Hospital niadtong Byernes, Mayo 27.

Matod ni Ms. Ma. Eliza Andin, CPA, ang tagdumala sa Provincial Economic Enterprise Development Office (PEEDO) sa Davao del Norte, nga ang DavNor Pharmacy maoy pinaka bag-ong kakuhaan ug kita sa probinsya nga sa pagka karon nagsuplay sa tulo ka hospital ug tambal.

“The DavNor Pharmacy is the latest economic enterprise under Provincial Economic Enterprise Development Office. Basically supply essential, quality, affordable meds, first to the patient of our three

DavNor hospitals, later on cater to medicinal requirements of our barangay, boticas, and then mga LGUs, RHUs, and finally to the general public,” matod ni Ms Andin.

Midugang ang hepe sa PEEDO nga walay gastohon ang probinsya labot sa mga tambal sa parmasiya sanglit pulos kini consignment.

“The DavNor Pharmacy is operating under the consignment system. Our consignors provide us with the medicines and we only pay them when these are used by our patients or when the medicines are sold to our patients, so walang additional budget na kailangan from the government as compared to the procurement system,” dugang saysay ni Andin.

Gawas sa tulo ka district hospital, gilauman nga ang bag-ong DavNor Pharmacy makadugang sa kita niini.

Sa kasamtangan, dunay pito ka mga consignors nga andam magbilin sa ilang produkto ug binulan nga mag-imbentaryo kun pila ang nahalin sa ilang mga tambal aron mabayran sa probinsya: Altomed

Pharmaceutical, Davao Athena Drug & General Merchandise, Pink 24/7 Corporation, Justright Pharmaceutical, Sannovex Pharmaceutical Company, MMJS Pharmacy ug Steward Medical & Laboratory Supplies.

Sa gipangutana kung barato ba ang mga tambal sa DavNor Pharmacy kay sa merkado, matod usab ni Michael Manuel ang focal person sa parmasiya, nga bisan kung may patong ang presyo sa mga tambal nga 10%, mas ubos pa gyod kini kung itandi sa mga baligya sa gawas. (pioDavNor)

DavNor News