ATOL SA 51ST DAVNOR ANNIVERSARY: Festival of Services padayong gihatod

PADAYONG gihatod sa probinsyal nga panggamhanan ang nagkalain-laing serbisyo sosyal, medikal, legal, pang-agrikultura ug daghan pa ngadto sa tawo ug hayop bisan kung puliki sa daghang aktibidades gumikan sa usa ka semanang pag-obserbar sa ika-51ng anibersaryo sa Davao del Norte.

Sa “Ulat ng Pagbabago” ni Gobernador Anthony del Rosario iyang gipasabot nga ang nasugdan na nga kabag-ohan sa pagdumala sa kalamboan angayan lang ipadayon ug kabahin niini ang Serbisyo Caravan sa Kapitolyo. 

“Duyog sa thrust sa Duterte Administration, ug inubanan sa atong leadership branding nga “Abilidad at Malasakit” (AMA), kining report card nga akong ihatag kaninyo is about CHANGE. Change in a new era of governance. Panahon na karon sa developmental governance for all. Mao kini ang panahon sa pagbuhat ug mga buluhaton nga makadala kanato sa tinud-anay nga maayong pagbag-o. Hagbay na man natong nasugdan kini base sa atong ten-point agenda nga B.E.S.T. P.E.O.P.L.E. Apan kinahanglan nga padayon ang atong pagpalambo ug dili kita makuntento sa atong mga nakab-ot na,” matod sa gobernador sa iyang Ulat ng Pagbabago timaan sa pagbukas sa usa ka semanang lain-laing kalihokan sa anibersaryo sa probinsya.    

Gipabilhan pag-ayo sa administrasyon ang panglawas labaw pa sa income sa probinsya. 

“Health is the top priority goal for the well-being of our people and touted as way more important than income and wealth in determining the overall satisfaction in life. Better health is key to human happiness and well-being. Gasgas na ni nga saying pero tinuod jud nga “health is wealth. We make sure that we provide the crucial resources vital for the well-being of our people, to serve especially the last, the least and the lost in our Dabaonon society through our Basic Health Care Services and Social Protection and Intervention Programs,” pasiugda ni Gob AGR.

Bisan ang grupo sa mga Barangay Health Workers nga kabahin sa mga service providers sa Serbisyo Caravan sa Kapitolyo miboluntaryo walay pagmug-ot ug “sapot.”

“Naanad nami sa among barangay. Dili nimo sakyan, sabay sa abaga touch therapy. Kung nasuko ang pasyente, nasuko pod ka, wala na. Syempre, inig-anha sa imoha i-comfort siya, matod ni Ms. Helen Grace Reclusado, presidente sa Mankilam BHWs nga naghisgot nga dili gyod kalikayan nga dunay mga kliyente nga dili maayo ug Batasan.  

Hangtod ning pagsulat, sobra na usa ka libo ang nakadawat ug lain-laing serbisyo gikan sa Kapitolyo Serbisyo Caravan.

Parehas sa miaging Caravan of Public Services didto sa New Corella, Braulio E. Dujali, Asuncion, Panabo City ug Carmen, padayong gidugok ang lain-laing serbisyo medikal.


 

More Davnor Updates at

DavNor Karon

 

DavNor News