Gitambungan sa kapin lima ka gatus ka mga magtutudlo ang kasaulogan sa ika-26 Day Care Workers Day nga gipahinabo didto sa RDR Gym kaniadtong Biyernes, isip pag-ila sa ilang kontribusyon sa katilingban.
Matod ni Ms. Arlene Semblante, Department Head sa opisina sa Provincial Social Welfare and Development, ang maong kalihukan maoy higayon aron ilhon ang dakong natabang sa maong mga
magtutudlo sa paghulma sa mga kabataan sa sayong edad taliwala sa gamay niini nga sweldo.
“Kailangan jud nga naa silay day for them to celebrate. Although the gathering will always focus on the service providers who are the Day Care workers kasi sila yung mga tao na always giving, providing services to children three to four years old” dugang ni Ms. Semblante.
Ang selebrayon adunay tema nga “Day Care Workers: Sa Matapat, Mahusay at Magiliw na Paglilingkod, Kakayahan at Kagalingan ng mga Bata ay Sigurado” nga naka sentro sa paghatag ug mapanalipdanong serbisyo sa mga kabataan, pag-ila sa ilahang kapasidad ug pagpakita sa ilang mga talent pinaagi sa mga gi-andam nga mga kompetisyon.
Sa maong panagtigum, gidayeg ni Gobernador Rodolfo del Rosario ang paningkamot sa mga magtutudlo aron makakat-on ug mabansay ang mga bata dinha sa ilang tulunghaan.
“You are the backbone of our government’s thrust of providing success to high quality child care and early education to promote child development. Ako nagadayeg sa inyong gipakita nga pagkamatinud-anon, kakugi ug katakos sa inyong kaakuhan”, dugang pamulong sa gobernador kinsa gisaysay usab nga
duol sa iyang dughan ang mga Day Care workers.
Saysay sa gobernador, nga angayan hatagan ug pasidungog ang maong mga magtutdlo ilabi na kay nasayod kini nga dili lalim ang pagdumala sa mga bata nga dili malikayan ang ka kiat sa uban apan nagpabilin nga pasensyoso ang maong mga trabahante.
Ang probinsya sa Davao del Norte adunay 528 ka mga Day Care Centers, ang pinakadaghan ug ihap sa tibuok rehiyon sa Davao, diin gitudluan ang kapin 24 ka libo nga mga bata. Tres cientos setentay tres niini nga mga eskwelahan ang nakadawat na ug akreditasyon gikan sa Department of Social Welfare and Development kon DSWD.
