19,000 UCT beneficiaries target para sa DavNor

TUMONG sa programang Unconditional Cash Transfer (UCT) sa administrasyong Presidente Rodrigo Duterte nga mahatagan ug hinabang ang dise nuybe mil nga mga beneficiaries sa tibuok Davao del Norte aron mamenosan ang epekto sa Tax Reform for Acceleration and Inclusion (TRAIN).

Sa Provincial Advisory Council (PAC) meeting Hulyo 10, gipahibalo ni Mr. Bernie Magunot, ang focal person sa Listahanan nga nag-ila sa mga benepisyaryo sa UCT.

“UCT is implemented just this year tungod sa TRAIN Law. . For Davao del Norte naa ta’y 19,000 plus nga target. Nag-conduct ta’g validation last April until May para at least ma-locate kung naa pa ba sila kay 2015 pa man gud tong atong data. Gi-verify, gi-update nato ang information kung same pa ba gihapon status nila. After sa validation nag-recommend mi ug final list. As this time naa na ta’y nahatag sa central office. Ginahulat na lang namo ang final list gikan sa ilaha nga beneficiary na gyod sa UCT,” pag-report ni Mr. Magunot atol sa PAC miting nga nagpahibalo sab nga sa tibuok Pilipinas target sa UCT ang 10 milyones nga beneficiaries.

Ang mga benepisyaryo sa UCT maoy lahi sa sobra 59,000 ka Dabaonon nga nakadawat sab ug hinabang sa 4Ps pinaagi sa DavNor Provincial Social Welfare Development Office (PSWDO).

Ilawom sa BEST PEOPLE development agenda ni Gobernador Anthony del Rosario nga gipatuman pinaagi sa Abilidad at Malasakit (AMA) nga estratehiya, katuyoan niini nga matabangan ang matag Dabaonon nga mahaw-as sa kalisod pinaagi sa mga programa nga nagtumong sa mga pobreng pamilya.

“Naa ta’y target nga 19,000 tapos ang validated nato is 15,000. Kadtong wala na-validate ang reasons adto is unlocated kay since 2015 pa man to, naa po’y mga refusals, transferred,” esplikar ni Magunot.

Alang sa Davao del Norte, ang mga syudad sa Panabo ug Tagum adunay tig 2,800 nga target samtang ang IGACOS dunay 2,982 nga gitumong. Ang Braulio E. Dujali ang pinaka gamay sa 484.

“Hopefully by this month ma-implement na siya before mag-end ang July. Naa na ta’y notification memo from the central office nga we’ll notify those beneficiary sa UCT. Then right after sa notification, we will inform them also nga mag-conduct ta ug registration into cash card kay UCT is a cash grant, without any conditionalities,” dugang pasabot sa Listahanan focal.

Sulod sa tulo ka tuig, ang programang UCT ipatuman. Sa pinakaunang tuig, ang mga benepisyaryo modawat sa lump sum nga 2,400 o tig 200 pesos matag bulan samtang pagka sunod ug ikatulong tuig, binulan nilang dawaton ang tig 300 pesos hinungdan nga i-enroll sila sa cash card.

“Hopefully by next week or before this July ma-enroll na atong beneficiaries,” panghinaut ni Bernie Magunot aron matabangan na ang mga apektado sa TRAIN Law.


 

More Davnor Updates at

DavNor Karon

 

DavNor News