BISAN pa man sa gihimong kusganong kampanya sa probinsyal nga kagamhanan labot sa pagpanalipod ug pagpasig-uli sa kinaiyahan, padayon gihapon nga nanawagan si Gobernador Rodolfo del Rosario nga himoong matag adlaw ang responsibilidad tungod ug alang sa sunod nga mga kaliwatan.

Gipasibaw sa gobernador ang iyang panawagan atol sa gihimong Convocation Program niadtong Hunyo 13 nga gipangunahan sa Provincial Environment and Natural Resources Office kun PENRO sa pagsaulog sa Environment Month.

“I think we should not only commemorate Environment Month during the month of June. It is better if we celebrate it every day if only to remind each one of us about the need to be more responsible with how we use our resources. So that we can ensure a healthy future not only for ourselves but for the coming generations as well,” matod ni Gobernador del Rosario sa iyang mensahe.

Gipasabot a gobernador nga bisan pa kung isipon nga gamay lang ang naamot sa Davao del Norte sa pagsulbad sa problema sa climate change, apan alang kaniya ang panaghiusa sa paningkamot makatabang na ug dako bisan diha sa ilang tagsa-tagsa ka komunidad.

“Like the droplets in the ocean, our solidarity with other local communities in the country and around the world can surely help mitigate the impacts of climate change. Bringing to fore the axiom ‘think globally, act locally’, the local authorities and communities have a big role to play in protecting the environment and in attaining sustainable development. The active involvement of our people is of utmost importance,” padayong pasabot ni Gob RDR.

Ubos sa iyang pagdumala, kampante usab ang third-termer nga gobernador sa gihimo sa probinsyal nga kagamhanan sa Davao del Norte.

“We are proud that the Province of Davao del Norte has already taken steps to pursue local actions to address climate change and reduce vulnerability of the Dabaonons. We have also worked for the integration of climate change adaptation and disaster risk reduction management in local development plans and budgets,” saysay ni RDR nga naghisgot usab sa kusganong pagsuporta sa National Greening program pinaagi sa “Balik Lunhaw, Subli Lantaw" diin sobra 67,000 ka semilya sa kahoy ug 95,000 ka nga mga prutas ang atong natanom niadtong 2015 ug padayon.

Ubos sa administrasyon ni Gob del Rosario, gipakusog usab ang Oplan ANDAM nga programa nga padayong gitudloan ang mga komunidad nga magmabinantayon ug malayo sa peligro panahon sa kalamidad.

Atol sa maong Convocation, malipayong gipahibalo sa gobernador nga ang sunod nga administrasyon ni Gobernador Anthony G. del Rosario (AGR) mipasalig nga ipadayon ang nasugdan na nga mga programa alang sa pagpanalipod sa kinaiyahan.

“I am happy that incoming Governor Anthony del Rosario has assured to continue the unequivocal and enduring commitment of the Provincial Government to the policies, thrusts, programs and projects that promote ecological balance and sustainability,” paniklop ni Gobernador RDR.

Atol sa maong katigoman, gidawat usab ni Gobernador del Rosario ang pasidungog gikan sa Civil Service Commission ug Philippine National Red Cross DavNor Chapter tungod sa iyang dakong kontribusyon diha sa katilingbanong pag-alagad. (pioDavNor)

DavNor News