KAY gustong masayod ug dugang sa ideya ug mga proseso sa Public-Private Partnership (PPP), mipailawom sa usa ka adlaw nga orientation ang mga department heads ug frontliners nga mga empleyado sa probinsyal nga panggamhanan sa Davao del Norte niadtong Myerkoles, Agosto 1.

Ang PPP maoy kasabotan tali sa gobyerno ug pribadong kompaniya sa tumong nga pagpondo, pagdesinyo, pag-implementar ug pagpadagan sa pasilidad ug paghatag serbisyo diin ang pribadong sektor tugotan nga makabawi sa makataronganong ganansya sa puhunan nga gibubo.

Kauban ang Training Specialist Dionna Fe M. Falamig, gipasabot ni Direktor Feroisa Francisca T. Concordia sa Capacity Building and Knowledge Management Service Public-Private Partnership (PPP) Center of the Philippines nga walay bayronon ang mga LGUs labot sa ilang serbisyo.

“Every time we received request from the Local Government Units we do find time. Most often are very urgent yung mga requests so we have to negotiate on the dates, kasi po we do not have regional offices but we would like to reach out as many LGUs,” pasabot ni PPP Center Direktor Concordia.   

Bisan pa sa ka-busy sa iyang eskedyul, gihatagan gyod ug panahon ni Gobernador Anthony del Rosario aron dasigon ang mga empleyado nga mopailawom sa usa ka adlaw nga orientation.

“Because as we all know limitado ang atong pondo. We need to figure out how to take advantage of the private sector para makahimo ta ug mas daghan pang proyekto. . Importante, importante gyod ni, and of course this is now the thrust of the administration of President Digong, that we need the involvement of the private sector to improve the services of the government to our constituents. . We hope that with the help of our friends from PPP Center, hopefully our department heads and all the other frontliners are exposed to this transaction and will be familiarized. And I really hope that there will be more PPP projects in Davao del Norte,” matod sa gobernador nga nananghid dayon nga molakaw tungod sa laing importanteng kalihokan.

Si probinsyal administrador Samson Sanchez na ang dugang nagpasabot sa direksyon sa administrasyon ni Gob AGR.

“Gov Anthony really wants that some of our assets in the province will be fully maximized, fully utilized just to realized his BEST PEOPLE development agenda. There are some identified areas that can be offered for PPP undertakings. One of this is the stalled FS of integrated water service, the establishment of our common provincial sanitary landfill for our solid waste management, another thing is the idle property that we have in front of the two malls. The governor offered this to the private group for PPP,” pasabot sa probinsyal administrador nga nagpahibalo sab nga ang Panabo City nagboluntaryo na nga mag-host sa komon nga sanitary landfill.

Usa sa importanteng butang gihisgotan atol sa orientation mao ang Legal Framework and Processes ilawom sa BOT Law (RA 7718) ug ang ilawom sa Joint Venture nga kahikayan.

DavNor News